Ante a noticia da imposición da maior sanción á concesionaria privada que xestiona o hospital Álvaro Cunqueiro de Vigo, desde a Asociación  Galega para a Defensa dá  Sanidade Pública queremos comunicar:

1.- Que estas sancións, contempladas nos contratos para garantir o cumprimento dos mesmos, non supoñen ningunha diminución real no negocio das Concesionarias, que  prefiren pagar pequenas sancións por incumprimentos  que lles reportan grandes beneficios. No caso de Vigo a penalización foi de 700.000 euros mentres a concesionaria declarou ganancias por 3,7 millóns no mesmo período.

2.- Esta practica das empresas nos contratos de colaboración público privada  foi advertida pola nosa asociación antes da concesión en base a información que dispoñiamos dos contratos de xestión público privada en hospitais do Reino Unido, Madrid ou Valencia. Como sempre a resposta do SERGAS foi negar a evidencia seguindo coa estratexia do engano.

3.- A sanción penaliza a servizos de gran transcendencia para a atención dos enfermos como a lavandería (sabas, toallas, roupa do persoal), limpeza do centro e alimentación dos enfermos o que poñe en risco a saúde das persoas atendidas.

4.- A estratexia da concesionaria é moi sinxela: Subcontrata estes servizos con outras empresas para reducir custos. Estas á súa vez buscan a maior rendibilidade posible á conta da calidade do servizo prestado.

Por todo iso desde a nosa Asociación reclamamos a apertura dunha auditoría para coñecer a transcendencia destes incumprimentos que repercuta na atención da poboación enferma e o inicio dun  proceso para  reintegra este centros hospitalario ao sistema público.

Asociacion Galega para a Defensa da Sanidade Pública