En Marea critica a cobardía de Feijóo co traslado de Rubial e insiste en que o cese

Información
Sergas | 05 Julio 2019 | 3424 votos Regístrese para votar | Correo electrónico | Imprimir
social youtube xornalgalicia   feed-image

Luís Villares: "Ourense non se merece un xerente protexido por Feijóo no caso da Hepatite C que causou un desastre na Atención Primaria da área de Vigo"

Audio declaracións Luís Villares: DeclaracionsVillaressobreRubial.m4a

Santiago, 5 de xullo de 2019.- En Marea valora o traslado de Félix Rubial á Área sanitaria de Ourense como unha operación cosmética claramente decepcionante. “Estamos ante un acto de cobardía política do presidente Feijóo”, asegura o voceiro de En Marea, Luís Villares, que insiste en que este intercambio de caras nas EOXI de Vigo e Ourense non dá solución á grave situación na que está a Atención Primaria en Galicia. 

 

“Ourense non se merece un xerente que oculta información, que está sendo protexido polo presidente da Xunta polo caso da Hepatite C e que causou un desastre na Atención Primaria da área de Vigo”, critica Luís Villares. En Marea lembra que o Goberno galego tiña que ter cesado fulminantemente ao agora ex xerente da EOXI de Vigo ante as dimisións dos xefes de servizo de Atención Primaria da súa Área sanitaria. “Exisímoslle a Feijóo o cese inmediato de Rubial, que ten que asumir as súas responsabilidades”, salienta Villares. “O importante non son os políticos senón as políticas e o relevo de Rubial por García Comesaña non vai modificar as desastrosas políticas aplicadas en Sanidade por Feijóo”, apunta Villares. O voceiro destaca ademais que Ourense “non se merece” ver mermada a súa área sanitaria pola mala xestión de Rubial.


TAMBIÉN LE PUEDE INTERESARlineaazul 1600