Información
Vigo

Abel Caballero correrá no percorrido na San Silvestre, xunto a mais de 10.000 inscritos

Información
22 Noviembre 2018 541 votos
1 1 1 1 1 1 1 1 1 1

Acompañado por representantes dos patrocinadores privados e polo concelleiro de Deportes, Manel Fernández, o rexedor explicou que tralo éxito das últimas edicións, Vigo busca un novo récord: "O ano pasado tivemos 8.000 participantes, e este queremos polo menos 10.000. É a razón de presentalo agora, para que todo o mundo saiba. Ímolo pasar ben", dixo.

 

 O Concello asume un ano máis a organización e patrocinio principal do evento. O alcalde afirmou que é "unha festa do deporte en familia, é un percorrido de 4 quilómetros para camiñar ou para correr, e imos tratar de irnos a un número de participantes superlativo". En 2016 foron 7.000 persoas e hai doce meses, 8.000.

 Caballero sinalou a San Silvestre como "unha proba festiva atlética extraordinaria" e lembrou "a súa vistosidade" grazas ao cada vez máis importante número de persoas que acoden disfrazadas. Este ano de novo haberá unha chea de premios para grupos e individuais.

 A inscrición será gratuíta na web de Magma Sports (www.magmasports.es) dende hoxe mesmo e en Decathlon (do 26 ao 30 de decembro) se poderán recoller os dorsais.

 A solidariedade tamén aparecerá este ano e os que acheguen alimentos non perecedoiros á carpa do Banco de Alimentos, ese día 31 na Alameda, recibirán un gorro de Papá Noel. Na suma dos tres últimos anos os participantes aportaron 10.000 quilos ao Banco de Alimentos. "Este é o xeito de participar e de facer running. Este ano non me toca, pero Manel si vai facela", indicou cun sorriso o alcalde.

Otros articulos relacionados.....

Que teñen preguiza. Nunca quixeron traballar:  Denuncia; Envíanos los datos a holgazan@acciónytransparenciapublica.com     mais sobre preguiza..+