O BNG rexistra no Parlamento unha batería de preguntas para que a Consellaría de Educación aclare o número de profesoras e profesores que son reprendidos por dar aulas na nosa lingua, así como os motivos que impulsou á administración pública galega o incumprimento reiterado do Plan Xeral de Normalización Lingüística de 2004.

A organización nacionalista responde así á denuncia pública dunha profesora de Matemáticas do IES Enrique Muruais da Pontenova, feita a través das redes sociais, na que daba conta da chamada que recibiu da Consellaría de Educación para a reprender por impartir aulas en galego.

Desde a aprobación do Decreto 79/2010 para o plurilingüismo no ensino non universitario de Galiza, na Educación Secundaria Obrigatoria (ESO) as materias de Matemáticas, Tecnoloxías e Física e Química só poderán ser impartidas en castelán ou en inglés, mais nunca en galego.

Sen embargo, este decreto, que foi masivamente rexeitado desde a súa aprobación, contravén o disposto no Plan Xeral de Normalización Lingüística aprobado por unanimidade en 2004 e que recolle entre as medidas a adoptar “na educación secundaria obrigatoria garantir que, como mínimo, o alumnado reciba o 50% da súa docencia en galego. Dentro das posibilidades de cada centro, tenderase a que entre as materias que se impartan nese idioma figuren as matemáticas e a tecnoloxía, á parte das que xa están legalmente establecidas”.

Para o BNG é inadmisíbel o incumprimento reiterado por parte da Consellaría de Educación ido Plan Xeral de Lei de Normalización Lingüística aprobado por unanimidade en 2004, que indica que como mínimo debe garantirse que o alumnado recibo o 50% da súa docencia en galego.

Detalles

Categoría: Portada

Publicado: 21 Marzo 2019

Visto: 1481

O BNG denunciou no Parlamento o trato de favor por parte da Xunta a determinadas empresas tecnolóxicas, como Indra,  e Veris, a través de cuantiosos contratos por importe superior a 70 millóns de euros a cambio da prestación de servizos informáticos e tecnolóxicos.

“Hai que ter en conta que estas empresas foron multadas pola Comisión Nacional de Mercado de Valores (CNMV) o pasado 1 de agosto de 2018 por argallar un cartel de empresas, así o di o propio órgano de control, para amañar adxudicacións de contratos por servizos tecnolóxicos e informáticos con administracións públicas”, explicou o deputado Luís Bará en Comisión parlamentaria.

Por iso, o BNG pide á Xunta que leve a cabo unha investigación “pola posible actuación deste cartel tamén en Galiza, pois estas empresas recibiron ducias de contratos millonarios, están empotradas na administración pública, mesmo se pode dicir que son prolongacións da propia administración, e recibiron contratos das consellerías e de organismos da Xunta”, explicou Bará.

Na súa argumentación, o deputado fixo constar ante a directora xeral de Avaliación  Administrativa, Natalia Prieto, “a existencia de numerosos contratos adxudicados a dedo desde 2011 polo procedemento de negociado e sen publicidade”. Por exemplo, desde o SERGAS eses contratos sumaron máis de 5 millóns de euros.

Detalles

Categoría: Portada

Publicado: 20 Marzo 2019

Visto: 1700

A vicerreitora Victoria Otero e o vicepresidente atenden as explicacións de Tatiana López. Foto: Xunta de Galicia

A empresa Nanogap, dirixida pola química Tatiana López do Río, recibiu este venres a visita do responsable da Vicepresidencia da Xunta de Galicia da que depende a Secretaría Xeral de Igualdade, Alfonso Rueda, como exemplo dunha spin-off da Universidade de Santiago de Compostela liderada en feminino. Nas instalacións de Milladoiro agardábano a vicerreitora de Titulacións, Victoria Otero, e representantes da Área de Valorización, Transferencia e Emprendemento  e do Programa Woman Emprende da USC. 

Nanogap Sub-Nm-Powder, que xurdiu como empresa de base tecnolóxica coa axuda de toda a estrutura de apoio ao emprendemento da USC, dedícase á produción de nanopartículas e ao desenvolvemento de clústeres metálicos (nanopartículas de tamaño inferior a 1nm) para aplicacións en campos como a biomedicina e a enerxía. 

Detalles

Categoría: Portada

Publicado: 17 Marzo 2019

Visto: 1070