Información
Portada

50 anos de Economía en Galicia reúne numerosos especialistas na Facultade de Ciencias Económicas e Empresariais

Información
13 Abril 2018 1164 votos
1 1 1 1 1 1 1 1 1 1

O Congreso ‘50 anos de Economía en Galicia’ desenvólvese na Facultade de Ciencias Económicas e Empresariais como unha das grandes citas do calendario de actividades conmemorativo dos 50 anos da posta en marcha destes estudos, precisamente na USC. A partires do encontro publicarase un número especial da Revista Galega de Economía.

 

A súa inauguración contou coas palabras do reitor, Juan Viaño Rey; o secretario xeral de Universidades da Xunta de Galicia, José Alberto Díez de Castro; e máis da decana do centro, Emilia Vázquez Rozas, que explicou o obxecto do cónclave: “Queremos dar a coñecer á sociedade a importancia que para o seu desenvolvemento teñen os nosos estudos, e pensamos que a mellor forma é mostrar, con exposicións de distintas temáticas, cal é a situación actual da economía galega e a súa evolución nos últimos anos”.

A primeira mesa da xornada encarou a nova organización empresarial e contou coa presenza de importantes directivos do país, como José Antonio Varela González, Justino Bastida Calvo, Ramón Domínguez Rego, José Ramón Pérez Nieto, José Gabriel Barreiro Pérez e José María Fonseca Moretón, en representación do tecido empresarial galego. Poboación, condicións da vida foi a temática da segunda cita, coas achegas de María Xosé Rodríguez Galdo, Fausto Dopico Gutiérrez del Arroyo, Eduardo Pis Sánchez e Bernardo Pena Trapero.

A terceira sesión centrouse na formación universitaria da man de José Díez de Castro, José Carlos De Miguel, Eduardo López Pereira e Emilia Vázquez Rozas, mentres que no seguinte panel sobre os cambios no sector industrial participaron Xoán Carmona Badía e Xan López Facal, encarando as principais mudanzas e permanencias na industria durante os cincuenta anos de vida dos estudos universitarios de economía en Galicia.

Xa pola tarde, Fernando González Laxe e María Do Carme García Negro falarán da importancia do sector pesqueiro, e María del Carmen Guisán Seijas e Maite Cancelo Márquez analizarán a evolución positiva da industria en Galicia durante o período 1990-2007, así como as negativas consecuencias da crise sobre o índice de produción industrial.

A última sesión da xornada de xoves, Recursos enerxéticos e mineiros, abordará a súa andaina e máis as súas perspectivas de futuro con a Xoán Doldán García, Rosa Regueiro  Ferreira e Xosé Antón Rodríguez González.

Xornada de venres
 O Congreso afrontará na sesión do venres o mercado de traballo; os sectores agrario e forestal; o turismo como fonte de riqueza; os servizos financeiros e os cambios na banca; o gasto público; e a situación de Galicia en España e na UE.

A primeira cita, Mercado de traballo, reunirá a Alberto Meijide Vecino, Melchor Fernández Fernández, Laura Hospido Quintana e Juan Ramón García López, mentres que sobre os cambios no sector agrario e forestal falarán Xosé Luis Quiñoá López, Edelmiro López Iglesias e María Loureiro García. A continuación, María Nava Castro Domínguez, Jose Antonio Fraiz Brea e Fidel  Martínez Roget afrontarán o turismo como fonte de riqueza.

Xa pola tarde, ‘Servizos financeiros e os cambios na banca’ é o título do relatorio con José Antonio Redondo López, Juan Ramón Quintás Seoane e Francisco Domínguez Martínez. A sesión sobre a evolución e control do gasto público estará a cargo de Luis Caramés Viétez e Miguel Ángel Vázquez Taín e, coma peche, ‘Galicia en España e na UE’ sumará a Emilio Pérez Touriño e Jaime Barreiro Gil.

O congreso clausurarase este venres ás 18.00 horas coa presenza do conselleiro de Facenda, Valeriano Martínez García; a vicerreitora de Estudantes, Cultura e Responsabilidade Social, Maria Dolores Álvarez Pérez; e a decana da Facultade.

Otros articulos relacionados.....
17 Abr 2019 14:55

O VIII Festival Primavera do Cine proxectará 10 longametraxes...

Agenda de Galicia
17 Abr 2019 13:57

A Xunta de Goberno Local do Concello de Vigo aprobou na súa sesión...

Agenda de Galicia
17 Abr 2019 13:55

O pavillón municipal de Luintra acollerá o vindeiro sábado,...

Agenda de Galicia
17 Abr 2019 13:52

Tras a experiencia positiva do ano pasado, este ano volve celebrarse...

Agenda de Galicia

caion laracha evaristo alcalde hermanoscalatrava


La Plataforma en Defensa del Sector Marítimo Pesquero de Galicia ha interpuesto a través de un prestigioso gabinete de bogados especializados en asuntos de la administración pública, querella criminal contra el Alcalde de Laracha y subsiadiariamente contra todo su grupo de gobierno en el Concello de A Laracha y Evaristo Lareo Viñas en su condición de Presidente del GAC3 sito en Buño, por haber cometido presuntamente varios delitos penales a lo largo de los últimos diez años entre los más graves, de prevaricación, electorales, medio ambiente, contra el territorio, etc, en la misma constan hechos de verdadera "TRACA CARNAVALESCA" en la que se acredita como Evaristo Lareo Viñas compra con fondos europeos un monocular térmico de visión nocturna por 3.626, 37 euros, para tener bajo control presuntamente un Solar de 15 mil metros cuadrados que recalificó en conveniencia con el Alcalde Popular para acometer un

lineaazul 1600

Estrenos de Cine y Televisión

Siguenos en  -        -  -   Contacte (+) -  feedimagePublicidad +  -  Legal Proteccion de Datos UE.(+)