Información
Portada

Sesenta docentes participan este sábado na xornada de aproveitamento educativo da regueifa

Información
17 Febrero 2018 2225 votos
1 1 1 1 1 1 1 1 1 1

O Mexillón acolleu en decembro outra regueifa organizada polo Concello de CarballoSesenta profesores e profesoras de diversos institutos do país participarán este sábado 17 no Fórum Carballo na Xornada Enreguéifate, que ten como obxectivo principal o de dotar de ferramentas e recursos didácticos o profesorado para o aproveitamento educativo da improvisación oral e dar a coñecer, valorar, compartir e avaliar experiencias, recursos e materiais positivos e aproveitables de usos didácticos da regueifa e a improvisación oral no ensino.

 

O Mexillón acolleu en decembro outra regueifa organizada polo Concello de Carballo

A xornada comezará –despois da inauguración ás 9.45 h por parte de representantes municipais– coa presentación do proxecto Enreguéifate por parte do técnico de Normalización Lingüística de Carballo, Nel Vidal, e a continuación, o profesor de música e director do IES Maximino Romero Lema de Baio presentará o proxecto Regueifesta. Despois dun café, as regueifeiras Alba María e Sara Marchena falarán da regueifa 2.0 para educar en igualdade, e o profesor de lingua Séchu Sende fará unha panorámica pola improvisación oral a nivel internacional. Tras un xantar conxunto, pola tarde, a partir das 16.30 h, falarase do pasado, presente e futuro da regueifa en Bergantiños, o que farán Antonio de Xornes, regueifeiro histórico da comarca, Lupe Blanco, moza regueifeira bergantiñá, e Alba María Rodríguez, autora do recente libro Regueifa en Bergantiños. Finalmente traballaranse metodoloxías para o ensino e aprendizaxe a través da lingua e da música, o que fará Manolo Maseda e Séchu Sende.

Pero, como non convén falar de regueifa sen regueifar, a xornada rematará, xa nun ambiente máis distendido e festeiro, cunha foliada de improvisación, na que todos os regueifeiros e regueifeiras participantes (Lupe Blanco, Antonio de Xornes, Alba María, Sara Marchena, Séchu Sende, Manolo Maseda e quen se queira sumar a eles/as) improvisarán, a partir das 19.00 h, na Taberna O Mexillón.

Próximas accións

Ademais desta formación para o profesorado, o proxecto Enreguéifate inclúe formación para o alumnado, concurso de regueifa e un encontro. Así, en Carballo haberá nas próximas semanas unha ducia de obradoiros para todo o alumando de 1.º da ESO e, ademais, un obradoiro para público xeral para todas as persoas interesadas en coñecer máis, aprender e practicar este arte da improvisación orla en verso. Ademais, convocarase un concurso de regueifa en vídeo, no que haberá unha categoría escolar e unha xeral, e a comezos de maio terá lugar en Santiago de Compostela un encontro de todas as persoas participantes, ao que acudirán tamén improvisadores/as de Cataluña e Euskadi.

Enreguéifate é un proxecto impulsado polos concellos de Ames, Carballo, Santiago de Compostela e Teo, a través dos seus servizos de normalización lingüística (SNL), para apoiar a difusión da improvisación oral en verso e contribuír por medio dela á promoción do uso da lingua galega. O obxectivo principal deste proxecto é que a cidadanía entre en contacto coa improvisación oral en verso a través da experiencia de regueifar, nomeadamente no ámbito escolar. Por iso, inclúe accións formativas para alumnado e profesorado, un certame regueifeiro e un encontro anual de regueifa.

Con este proxecto preténdese contribuír á modernización da creación cultural e contribuír tamén á actualización da nosa tradición e ao fomento da lingua. A regueifa é un importante elemento do patrimonio cultural inmaterial galego, e a intención do proxecto é darlle ao imaxinario tradicional unha funcionalidade no momento actual, crear tradición en activo, ou activar a tradición e actualizala cos valores da igualdade e a xustiza social e coa enerxía da xente nova.

Descargas

 
Otros articulos relacionados.....
17 Abr 2019 14:55

O VIII Festival Primavera do Cine proxectará 10 longametraxes...

Agenda de Galicia
17 Abr 2019 13:57

A Xunta de Goberno Local do Concello de Vigo aprobou na súa sesión...

Agenda de Galicia
17 Abr 2019 13:55

O pavillón municipal de Luintra acollerá o vindeiro sábado,...

Agenda de Galicia
17 Abr 2019 13:52

Tras a experiencia positiva do ano pasado, este ano volve celebrarse...

Agenda de Galicia

caion laracha evaristo alcalde hermanoscalatrava


La Plataforma en Defensa del Sector Marítimo Pesquero de Galicia ha interpuesto a través de un prestigioso gabinete de bogados especializados en asuntos de la administración pública, querella criminal contra el Alcalde de Laracha y subsiadiariamente contra todo su grupo de gobierno en el Concello de A Laracha y Evaristo Lareo Viñas en su condición de Presidente del GAC3 sito en Buño, por haber cometido presuntamente varios delitos penales a lo largo de los últimos diez años entre los más graves, de prevaricación, electorales, medio ambiente, contra el territorio, etc, en la misma constan hechos de verdadera "TRACA CARNAVALESCA" en la que se acredita como Evaristo Lareo Viñas compra con fondos europeos un monocular térmico de visión nocturna por 3.626, 37 euros, para tener bajo control presuntamente un Solar de 15 mil metros cuadrados que recalificó en conveniencia con el Alcalde Popular para acometer un

lineaazul 1600

Estrenos de Cine y Televisión

Siguenos en  -        -  -   Contacte (+) -  feedimagePublicidad +  -  Legal Proteccion de Datos UE.(+)