Información
Portada

Lumes Nunca Máis! A CIG chama á mobilización contra a Lei de Depredación de Feijóo e do PPdeG e contra a vaga de lumes polas suas propias xestions orquestados

Información
19 Octubre 2017 4225 votos
1 1 1 1 1 1 1 1 1 1

A CIG chama a participar na manifestación convocada pola ‘Plataforma contra a Lei de Depredación de Galiza’ para o vindeiro domingo día 22 de outubro, con saída ás 12:00 horas da Alameda compostelá. Unha lei aprobada de forma antidemocrática e “golpista” polo PP que baixo o nome de Lei de Fomento de Implantación de Iniciativas Empresariais, afonda aínda máis na eucaliptización do noso país para atender os intereses da pasteira Ence, insistindo en políticas suicidas das que nestes días vivimos as súas graves consecuencias coa vaga de lumes.

 

A catástrofe que padeceu Galiza a pasada fin de semana ten entre as súas causas unha política de abandono do rural propiciada polo PP e unha nefasta política forestal de eucaliptización do país promovida desde a Xunta de Galiza e condicionada polos intereses empresariais da pasteira ENCE.

Con esta Lei que vén de ser aprobada no Parlamento de Galiza so pretexto de facilitar a implantación de proxectos e actividades empresariais no país introdúcense toda unha serie de modificacións noutras leis que promoven, entre outras cuestións, unha aínda maior eucaliptización.

De feito, en diante, serán innecesarias as autorizacións para a plantación de eucaliptos. Abondará cunha declaración responsábel e terá prioridade sobre as limitacións establecidas na Rede Natura, xa que non precisarán autorización da Administración. Isto ademais de pór en perigo até os bens patrimoniais.

Déixase así a xestión da madeira en mans dos grandes operadores, como Ence, que ademais de non precisar autorización tampouco necesitarán informe de Patrimonio.

Modelo industrial colonial

A CIG denuncia ademais que, con esta Lei, o Goberno de Feixó deserta de servir aos intereses do pobo galego, renegando de tomar calquera iniciativa real a favor do desenvolvimento económico e social de Galiza, abandonando a defensa dos nosos sectores produtivos mentres favorece un modelo industrial colonial.

Non contén nin unha soa medida, nin principal, nin secundaria, que teña como obxetivo central o apoio para os proxectos e actividades que aposten porque o proceso produtivo e de transformación teña lugar en Galiza, como tampouco contempla medida algunha de apoio e impulso aos nosos sectores produtivos, para que permitan a recuperación e consolidación do tecido empresarial galego, favorecendo así o crecemento económico de Galiza e a creación de emprego en condicións dignas.

Ao servizo das grandes corporacións

Aposta de forma descarada por favorecer os intereses das grandes corporación económicas, promovendo a instalación de calquera actividade económica e industrial por problemática que poida ser, outorgando aos grandes grupos empresariais a capacidade de impor o seu criterio por riba de calquera outra consideración, con apoio público a través de subvencións e todo tipo de incentivos, eliminando calquera atranco para a súa instalación, simplificando e axilizando os trámites administrativos de industrias, minas, parques eólicos, empresa forestais, de residuos.

Desregulamentación

Introduce unha absoluta desregulamentación eliminando cautelas ambientais e dereitos dos administrados para outogarlle “patente de corso” ás empresas, nomeadamente ás adicadas a actividades de minairía e pasteiro-enerxéticas. O seu obxectivo é eliminar calquera barreira para facilitar a aprobación de proxectos polémicos, evitando que se repitan situacións, como sucedeu nos últimos anos, nos que a grande resposta social impediu que foran adiante.

Outórgalle un enorme poder á Dirección Xeral de Enerxía e Minas, que pasa a funcionar como un apéndice dos grandes grupos empresariais decidindo sobre outros temas, aínda non sendo da súa competencia, como medio ambiente, montes, patrimonio, residuos, xestión hidráulica

Otros articulos relacionados.....
23 Abr 2019 15:25

O vindeiro domingo 28 de abril están convocadas eleccións...

Agenda de Galicia
23 Abr 2019 09:01

Un año más el Club Waterpolo Pontevedra luchará por el título...

Agenda de Galicia
20 Abr 2019 11:59

A cita terá lugar no pavillón do IES Río Miño este xoves,...

Agenda de Galicia
19 Abr 2019 11:30

Más de una veintena de barcos se disputarán el Trofeo Comunica...

Agenda de Galicia

caion laracha evaristo alcalde hermanoscalatrava


La Plataforma en Defensa del Sector Marítimo Pesquero de Galicia ha interpuesto a través de un prestigioso gabinete de bogados especializados en asuntos de la administración pública, querella criminal contra el Alcalde de Laracha y subsiadiariamente contra todo su grupo de gobierno en el Concello de A Laracha y Evaristo Lareo Viñas en su condición de Presidente del GAC3 sito en Buño, por haber cometido presuntamente varios delitos penales a lo largo de los últimos diez años entre los más graves, de prevaricación, electorales, medio ambiente, contra el territorio, etc, en la misma constan hechos de verdadera "TRACA CARNAVALESCA" en la que se acredita como Evaristo Lareo Viñas compra con fondos europeos un monocular térmico de visión nocturna por 3.626, 37 euros, para tener bajo control presuntamente un Solar de 15 mil metros cuadrados que recalificó en conveniencia con el Alcalde Popular para acometer un

lineaazul 1600

Estrenos de Cine y Televisión

Siguenos en  -        -  -   Contacte (+) -  feedimagePublicidad +  -  Legal Proteccion de Datos UE.(+)