Información
Portada

Premio “8 de Marzo” para María López pola súa loita contra os abusos laborais en Mercadona

Información
05 Marzo 2017 4099 votos
1 1 1 1 1 1 1 1 1 1

María López Alejos, que destapou as condicións laborais e a vulneración da liberdade sindical en Mercadona recibiu, este venres, o Premio “8 de Marzo” por ser, segundo a describiu a secretaria das Mulleres da CIG, Margarida Corral, “unha muller valente que, desde o inicio denunciou que Mercadona é unha empresa cun marcado carácter sectario, onde existe unha falta total de liberdade e onde predomina a cultura do medo”.

 

E é que, tal e como lembrou Corral, María padeceu desde o ano 2010, durante preto de catro anos, unha situación de persecución constante, deixaron de pagarlle a prima durante varios anos, mesmo tentaron orquestralle un despedimento. “Mais é unha muller teimuda, que non dubidou en manter unha actividade sindical aberta e clara, aínda non estando no comité. Cuestión que acadou no ano 2014”.

Por todo isto e por ser quen de dar unha resposta de clase ao abuso da patronal, a central sindical considerouna sobradamente merecedora dun premio que xa vai pola súa X Edición e que ten como obxectivo visibilizar ás “mulleres bravas” que desde o sindicalismo demostran que “a dignidade non ten prezo”.

Mención especial a Nélida Pisco

Tamén pola súa teimosía na defensa da súa dignidade e dos seus dereitos como traballadora e como nai recibiu Nélida Pisco unha mención especial nesta edición. A súa loita polo dereito a conciliar a vida laboral e familiar, nun sector tan masculinizado como o do transporte de pasaxeiros, xa fora merecedora do Premio 8 de Marzo en 2011.

Porén, e tras 8 anos de aturar o acoso reiterado da empresa, a súa loita volveu saír á luz a finais do pasado ano, cando Hedegasa (Autobuses de Calo) a despedía, máis unha vez, tras a DXT retirarlle todos os seus permisos de conducir a petición da empresa, alegando que supoñía un risco para a seguridade da condución e dos pasaxeiros. Unha decisión que Tráfico adoptou sen comprobar, sequera, a veracidade desa acusación.

Dela, que tamén foi ovacionada polas persoas asistentes pola súa coraxe, lembrou a secretaria da Mulleres da CIG, que foi utilizada no seu momento como “un produto vendíbel” para Autobuses de Calo amosar as virtudes dunha empresa que contrata a mulleres para realizar o transporte urbano, mais contra quen non tivo reparo en exercer contra ela “terrorismo patronal” cando exerceu os seus dereitos laborais como nai traballadora.

8 de Marzo, Día da Muller “Traballadora”

Por estes e outros casos dos que Margarida Corral deu conta na súa intervención, a secretaria das Mulleres da CIG subliñou que “non renunciamos ao emprego do adxectivo traballadora” acompañando, no 8 de marzo, a conmemoración do Día da Muller “Traballadora”.

Porque é “unha data reivindicativa e de combate na que as mulleres de todo o mundo facemos balance dos logros acadados, analizamos a situación actual e identificamos as inxustizas e desigualdades que aínda sufrimos as mulleres polo simple feito de selo”.

 Unha data que conmemora esa loita e que foi, ao seu entender, “desvirtualizada”, pero á que as mulleres da CIG “non renunciamos” para evitar que pase a ser unha outra data “rutineira” do calendario. “A teimuda realidade que nós vivimos cada día obriga a que fagamos do 8 de Marzo unha reivindicación constante e permanente”.

Igualdade, para que?

Corral lembrou que, de xeito intencionado, as mulleres da CIG escolleron o lema de “Igualdade, para que?”, para a campaña arredor da que a central sindical desenvolve as súas reivindicacións deste 8 de Marzo. Para convidar a facer unha reflexión crítica respecto da utilidade das políticas impostas polos gobernos desde o inicio da crise e do impacto que estas tiveron na situación das mulleres.

“Levamos anos denunciando que aquelas mulleres que foron quen de saír do desemprego fixérono en condicións precarias, en ocupacións flexíbeis e informais, con contratos a tempo parcial e/ou temporais, subcontratas ou mesmo empregos que carecen de protección social”, denunciou.

As mulleres non queríamos igualarnos en precariedade

 Subliñou que, lonxe de avanzar na mellora das condicións laborais e salariais, toda a suposta equiparación que houbo entre homes e mulleres traballadoras foi pola perda de dereitos do colectivo masculino e concluíu que “esta non é a igualdade que queríamos as mulleres. Non queríamos igualarnos en precariedade. Cando exixíamos os mesmos salarios ca os homes non pretendíamos obter unha rebaixa dos seus, se non obter os mesmos dereitos que eles a priori conseguiran”.

A secretaria das Mulleres da CIG denunciou tamén os retrocesos padecidos durante estes anos por mor das políticas ultraconservadoras postas en marcha nos anos da crise e que “a actual situación da muller no mercado de traballo, non só non é boa se non que é resultado dos recortes en servizos sociais, sanidade e educación, das nefastas reformas laborais e de pensións e da redución dos fondos públicos destinados ás políticas de igualdade e atención ás vítimas e violencia machista”.

Otros articulos relacionados.....
17 Abr 2019 14:55

O VIII Festival Primavera do Cine proxectará 10 longametraxes...

Agenda de Galicia
17 Abr 2019 13:57

A Xunta de Goberno Local do Concello de Vigo aprobou na súa sesión...

Agenda de Galicia
17 Abr 2019 13:55

O pavillón municipal de Luintra acollerá o vindeiro sábado,...

Agenda de Galicia
17 Abr 2019 13:52

Tras a experiencia positiva do ano pasado, este ano volve celebrarse...

Agenda de Galicia

caion laracha evaristo alcalde hermanoscalatrava


La Plataforma en Defensa del Sector Marítimo Pesquero de Galicia ha interpuesto a través de un prestigioso gabinete de bogados especializados en asuntos de la administración pública, querella criminal contra el Alcalde de Laracha y subsiadiariamente contra todo su grupo de gobierno en el Concello de A Laracha y Evaristo Lareo Viñas en su condición de Presidente del GAC3 sito en Buño, por haber cometido presuntamente varios delitos penales a lo largo de los últimos diez años entre los más graves, de prevaricación, electorales, medio ambiente, contra el territorio, etc, en la misma constan hechos de verdadera "TRACA CARNAVALESCA" en la que se acredita como Evaristo Lareo Viñas compra con fondos europeos un monocular térmico de visión nocturna por 3.626, 37 euros, para tener bajo control presuntamente un Solar de 15 mil metros cuadrados que recalificó en conveniencia con el Alcalde Popular para acometer un

lineaazul 1600

Estrenos de Cine y Televisión

Siguenos en  -        -  -   Contacte (+) -  feedimagePublicidad +  -  Legal Proteccion de Datos UE.(+)