Información
Ourense

Ribeiro en Común entrega no Parlamento de Galicia reclamacións de investimentos para Ribadavia

Información
03 Octubre 2018 1176 votos
1 1 1 1 1 1 1 1 1 1

O vicevoceiro de En Marea, Antón Sánchez, reuniuse co voceiro de Ribeiro en Común, Brais Fidalgo, para falar dos investimentos que Ribadavia necesita co obxecto de que sexan incluídos nos Orzamentos 2019 da Xunta de GaliciaRibeiro en Común traslada ao Parlamento de Galicia propostas súas aprobadas no Pleno de Ribadavia e que o goberno municipal non é quen de reclamar


O voceiro de Ribeiro en Común ven de trasladar ao grupo de En Marea no Parlamento de Galicia novas reclamacións de investimentos para Ribadavia co obxectivo de que sexan incluídos nos Orzamentos 2019 da Xunta de Galicia. Despois de que o Pleno de Ribadavia aprobara as Mocións de Ribeiro en Común relativas a investimentos para Ribadavia, e de que o goberno municipal non conseguira ningunha das melloras de infraestruturas e servizos públicos aprobados no Pleno a proposta de Ribeiro en Común, este grupo municipal continúa reclamando novos servizos e investimentos imprescindibles para Ribadavia. Son moitas as necesidades, pero priorizamos as que poden ser unha realidade a moi curto prazo se hai vontade política, e centramos a atención en dúas áreas imprescindibles para os nosos veciños e veciñas, por unha banda a necesidade imperiosa que existe en Ribadavia de ter un posto de traballo no propio municipio coa nosa demanda de liberar solo industrial no Polígono, e por outro, a mellora nos servizos sociais ofertados en Ribadavia coa nosa  proposta de creación dun Centro de Día.Traballo para os veciños no polígono industrial
Unha vila e un municipio só terá vida e futuro se existe traballo para os seus veciños e veciñas. Ribeiro en Común levamos toda a lexislatura reclamando a necesidade que ten Ribadavia de dispor de solo industrial no Parque empresarial que se atopa na actualidade bloqueado e sen oferta de solo. É dicir, no posible caso de que veña unha empresa a interesarse polo noso Polígono para crear postos de traballo en Ribadavia, a dura realidade é que non poderán facer xa que desde o Concello non son capaces de conseguir Solo industrial. Xa é coñecido o caso dalgunha empresa que demanda ampliar as súas instalacións e crear postos de traballo novos en Ribadavia é non poder por culpa desta situación. Recordamos que a situación actual  de desemprego en Ribadavia é alarmante.Centro de Día, un servizo social básico
A creación dun Centro de Día é un servizo social público moi demandado e que non existe na cabeceira comarcal do Ribeiro. Os centros de Día son recursos fundamentais, xa que dan resposta os coidados das persoas maiores dependentes, unha necesidade moi ampla non só en Ribadavia senón en todas as comarcas galegas, debido o envellecemento da nosa poboación. Están contrastados os numerosos beneficios dos Centros de Día para a poboación en xeral, para persoas maiores, para dependentes e tamén para os/as súas coidadoras.
Por iso Ribeiro en Común reclama un Centro de Día en Ribadavia e faino concretando un lugar axeitado e idóneo que conxuga o aproveitamento dun edificio público, da Xunta, xa existente coa posibilidade de realizalo nun curto prazo de tempo polo seu baixo custe. Esta proposta xa foi aprobada polo Pleno, a pesar da negativa  do goberno local de Ribadavia. E por isto agora Ribeiro en Común trasládao ao Parlamento para que sexa incluído nos Orzamentos 2019 da Xunta de Galicia.
 
Existen máis demandas pendentes con Ribadavia, pero Ribeiro en Común entende que resulta imprescindible comezar por estas dúas áreas: traballo e servizos sociais, por ser aspectos fundamentais nas vidas dos veciños e veciñas de Ribadavia.

Otros articulos relacionados.....