Información
Ourense

Máis de 400 corredores, no "III Trail Ribeira Sacra"

Información
27 Septiembre 2018 443 votos
1 1 1 1 1 1 1 1 1 1

 

Organizado pola Deputación de Ourense, o Concello de Nogueira de Ramuín e o club de montaña Grupo Cuevas-Nogueira Trail, terá lugar o vindeiro 14 de outubro en Luíntra con dúas modalidades deportivas de 24 e 47 quilómetros, percorrendo los lugares máis emblemáticos da Ribeira Sacra ourensá.

Os afeccionados ás carreiras de montaña teñen unha cita especial no "III Trail Ribeira Sacra", que se disputa o vindeiro 14 de outubro en Luíntra (Nogueira de Ramuín), unha proba que contará con dúas modalidades deportivas, de 24 e 47 quilómetros, percorrendo os lugares máis emblemáticos da Ribeira Sacra ourensá. A presentación deste evento deportivo tivo lugar hoxe no Pazo Provincial coa participación do vicepresidente da Deputación de Ourense, Rosendo Fernández; o alcalde de Nogueira de Ramuín, César Parente, e o presidente do club de montaña Grupo Cuevas-Nogueira Trail, Diego Novelle.

Rosendo Fernández cualificou a esta proba como "un exemplo da mellor simbiose entre deporte, historia e natureza, á vez que contribúe a promocionar un dos enclaves máis fermosos da nosa provincia: a Ribeira Sacra, patrimonio mundial de riqueza natural". "Poñer en valor o territorio e as súas singularidades é o obxectivo desta carreira de montaña, que une actividades saudables en relación directa coa natureza", expresou o vicepresidente, subliñando a importancia desta proba que impulsa o ámbito socio-económico e turístico da Ribeira Sacra.

A saída e chegada da proba nas súas diferentes modalidades terán lugar, segundo explicou Diego Novelle, na praza de Luíntra, sendo a saída para a proba de 47 quilómetros ás 8.00 horas e para a modalidade de 24 quilómetros, ás 10.00 horas. Novelle remarcou que este trail "consolídase como o gran evento de carreiras de montaña en Galicia", e destacou que se trata dunha proba cardio-protexida e con medidas sostibles, tanto para a recollida de residuos como para o balizamento". A carreira contará con participantes de 12 provincias de España e de tres rexións de Portugal, "sendo un evento que está a destacar pola súa relevancia nacional e internacional".

Pola súa banda, o alcalde de Nogueira de Ramuín subliñou "o labor que vén realizando ao longo de todo o ano o club de montaña Grupo Cuevas para o mantemento do percorrido e a organización do evento", e destacou a colaboración público-privada "que fai posible o desenvolvemento e o éxito desta proba que se converte un ano máis nun acontecemento deportivo, social e familiar".

Os interesados en participar nesta terceira edición do Trail Ribeira Sacra poden inscribirse na páxina web www.championchipnorte.com. A proba será cronometrada e competitiva, quedando rexistrados os tempos de paso dos participantes nas dúas probas. Haberá premios para os tres primeiros clasificados na categoría masculina e feminina das dúas distancias, e tamén para o corredor máis lonxevo e ao club con máis participantes. O prazo de inscrición remata o vindeiro 1 de outubro.

Otros articulos relacionados.....
19 Abr 2019 11:30

Más de una veintena de barcos se disputarán el Trofeo Comunica...

Agenda de Galicia
19 Abr 2019 10:19

 

El Real Club Deportivo emitirá este domingo, por...

Agenda de Galicia
17 Abr 2019 14:55

O VIII Festival Primavera do Cine proxectará 10 longametraxes...

Agenda de Galicia
17 Abr 2019 13:57

A Xunta de Goberno Local do Concello de Vigo aprobou na súa sesión...

Agenda de Galicia

caion laracha evaristo alcalde hermanoscalatrava


La Plataforma en Defensa del Sector Marítimo Pesquero de Galicia ha interpuesto a través de un prestigioso gabinete de bogados especializados en asuntos de la administración pública, querella criminal contra el Alcalde de Laracha y subsiadiariamente contra todo su grupo de gobierno en el Concello de A Laracha y Evaristo Lareo Viñas en su condición de Presidente del GAC3 sito en Buño, por haber cometido presuntamente varios delitos penales a lo largo de los últimos diez años entre los más graves, de prevaricación, electorales, medio ambiente, contra el territorio, etc, en la misma constan hechos de verdadera "TRACA CARNAVALESCA" en la que se acredita como Evaristo Lareo Viñas compra con fondos europeos un monocular térmico de visión nocturna por 3.626, 37 euros, para tener bajo control presuntamente un Solar de 15 mil metros cuadrados que recalificó en conveniencia con el Alcalde Popular para acometer un

lineaazul 1600

Estrenos de Cine y Televisión

Siguenos en  -        -  -   Contacte (+) -  feedimagePublicidad +  -  Legal Proteccion de Datos UE.(+)