Jácome pretende contaminar Ourense con cartos públicos para competir con Abel Caballero en luces de Nadal os pobres que coman "merda"

  

O Concello de Ourense aposta este ano por potenciar a iluminación do Nadal, á que adicará unha achega económica de 351.131,11 euros, o dobre ca no exercicio anterior. A Xunta de Goberno Local aprobou na súa sesión desta mañá, en sesión extraordinaria, o expediente para a instalación, a posta en funcionamento, o mantemento e a retirada da iluminación de Nadal 2020 – 2021, coa correspondente aprobación das cláusulas administrativas e técnicas.

O Concello de Ourense duplica este ano o investimento que dedicará a esta partida, que “aumenta drasticamente”, di o alcalde, Gonzalo Pérez Jácome, co obxectivo de “embelecer a cidade e continuar coa dinámica que iniciamos o ano pasado: levar as luces de Nadal a barrios de Ourense onde nunca antes as houbese. Este ano chegaremos a máis sitios, con máis luces e cunha estética mellor”.