Buscar
- 
Publicidad + 
No pasado ano 2015 o concello da Laracha pagou a unha mesma empresa aseguradora uns 40.000 euros en seguros, sendo o irmán do alcalde “axente exclusivo” desa compañía tal e como aparece nun dos documentos relativos á proposta de seguro de responsabilidade civil, sen que existise licitación pública ningunha.
En febreiro de 2015 o concello da Laracha publicaba un anuncio de licitación para a contratación de varios seguros (BOP 26 de febreiro de 2015). Posteriormente, o 17 de marzo de 2015, publicábase un novo anuncio no BOP (boletín oficial da provincia) cunha resolución do alcalde da Laracha na que se acordaba a suspensión desa licitación, á vista das alegacións formuladas que evidenciaban erros nos pregos de contratación.
| Archivo | Descripción | Tamaño |
|---|---|---|
 anuncio licitación concurso seguros.pdf | 88 kB | |
| anuncio suspensión concurso seguros.pdf | 91 kB | |
| contrato seguro responsabilidade civil 1.pdf | 88 kB | |
| contrato seguro responsabilidade civil 2.pdf | 73 kB | |
| nota seguros concello 2015.pdf | 41 kB |
Ao longo do ano 2015 non volveu licitarse a contratación dos seguros do concello da Laracha, e á vista da documentación exposta da Conta Xeral 2015 do concello pode apreciarse como se pagaron seguros de responsabilidade civil (aproximadamente 1.700 euros mensuais), seguros da maior parte dos vehículos municipais e outros como por exemplo un seguro para as actividades formativas/deportivas de outubro 2015 a maio 2016 por 4.330 €, todos eles a unha empresa aseguradora na que figuraba como “axente exclusivo” o irmán do alcalde da Laracha (tal e como aparece reflectido no documento titulado “condiciones particulares del seguro de responsabilidad civil general” relativo a un dos contratos de responsabilidade civil.
