Información
Localidades de Galicia

Leiceaga critica as escasas previsións de creación de emprego da Xunta e lamenta a súa carencia de “proxecto e determinación”

Información
16 Octubre 2018 347 votos
1 1 1 1 1 1 1 1 1 1

O portavoz do Grupo Socialista, Xoaquín Fernández Leiceaga, criticou hoxe a “falta de ambición” no teito de gasto aprobado hoxe no Parlamento polo PP co voto en contra dos socialistas galegos. O responsable socialista criticou a escasa previsión de creación de emprego logo da renuncia a 138 millóns de euros adicionais de endebedamento autorizados por Bruxelas.

 

Fernández Leiceaga advertiu que o proxecto do PP carece de “proxecto e determinación” para consolidar unha recuperación económica máis xusta cara un modelo de Estado do Benestar “máis amplo e con eficiencia para non sobrecargar aos cidadáns”. Fronte a este esquema, propio de Suecia ou Francia, o goberno galego achégase a “aqueles países cos estados do Benestar máis furados, con menos competencias e un modelo impositivo menos xusto”.

O portavoz socialista defendeu un modelo centrado en reforzar os investimentos e os proxectos produtivos, co obxectivo de crear un emprego de calidade máis consistente. Sen embargo, Galicia “dende que comezou a crise destruíu máis emprego e coa recuperación creou menos”, situándose por debaixo das taxas de creación de emprego do Estado.

De acordo coa previsión do goberno galego, ademais, “din que crearán 14.000 empregos o ano que vén –cunha creación de emprego do 1,4 por cento-, bastante menos que a media española, moi lonxe das cifras felices de creación de 100.000 empregos en catro anos que prometía o presidente da Xunta”.

Lamentou a renuncia expresa do goberno galego a adoptar a marxe adicional de déficit autorizada por Bruxelas, que suporía 138 millóns de euros adicionais “suficientes para impulsar o I+D+i ou as estradas pendentes do Plan Move”. Alertou ademais da previsión de tributos propios do goberno galego, que aproveita os ingresos adicioanis puntuais polo aumento das herdanzas en vida pero esquecendo que “recortan a recadación no futuro”.

Fernández Leiceaga negou a redución fiscal anunciada polo goberno galego, que “baixa os impostos en base á baixa dos tipos impositivos, pero agochan que o incremento do valor das propiedades -polas revisións catastrais- suporá máis impostos para os cidadáns, que ao final pagan máis a pesares das pequenas rebaixas do goberno galego”.

Austeridade

O portavoz socialista lembrou a falla de réplica do goberno galego aos tempos de austeridade drástica do goberno de Rajoy e o ministro Montoro, para criticar agora ao goberno socialista de Pedro Sánchez a pesares de que conseguiu a rebaixa dos criterios de déficit da UE. Sinalou que o goberno central cedeulle ademais parte deste incremento de gasto ás comunidades autónomas para desenvolver políticas sociais.

Sinalou tamén que foi o goberno socialista o que está a consignar máis recursos para a Dependencia, o impulso do emprego xuvenil ou para a loita contra a violencia de xénero, aspectos todos eles que “forman parte do pacto de Presupostos que se está a negociar no Congreso” e ao que o PP ten anunciado a súa oposición frontal.

25 Abr 2019 14:27

Sonsoles López Izquierdo, xunto ao director artístico, Manel...

Agenda de Galicia
25 Abr 2019 14:25

Abel Caballero e a organización presentaron o programa da décimo...

Agenda de Galicia
24 Abr 2019 13:28

A Plataforma Vía Galega, que integra a máis 50 entidades sociais...

Agenda de Galicia
24 Abr 2019 13:26

Tras o descanso invernal, a expectación é máxima no Campionato...

Agenda de Galicia

caion laracha evaristo alcalde hermanoscalatrava


La Plataforma en Defensa del Sector Marítimo Pesquero de Galicia ha interpuesto a través de un prestigioso gabinete de bogados especializados en asuntos de la administración pública, querella criminal contra el Alcalde de Laracha y subsiadiariamente contra todo su grupo de gobierno en el Concello de A Laracha y Evaristo Lareo Viñas en su condición de Presidente del GAC3 sito en Buño, por haber cometido presuntamente varios delitos penales a lo largo de los últimos diez años entre los más graves, de prevaricación, electorales, medio ambiente, contra el territorio, etc, en la misma constan hechos de verdadera "TRACA CARNAVALESCA" en la que se acredita como Evaristo Lareo Viñas compra con fondos europeos un monocular térmico de visión nocturna por 3.626, 37 euros, para tener bajo control presuntamente un Solar de 15 mil metros cuadrados que recalificó en conveniencia con el Alcalde Popular para acometer un

lineaazul 1600

Estrenos de Cine y Televisión

Siguenos en  -        -  -   Contacte (+) -  feedimagePublicidad +  -  Legal Proteccion de Datos UE.(+)