O Boletín Oficial da Provincia (BOP) publica hoxe a concesión das subvencións para os servizos de salvamento en concellos do interior da provincia, que financia a Deputación da Coruña con 302.165,61 euros. A través desta liña de axudas, 40 concellos coruñeses custearán os salarios dos socorristas que traballarán este verán nas piscinas, praias fluviais e outros espazos acuáticos municipais.

As achegas da Deputación van desde os 3.521 aos 10.000 euros, segundo as necesidades estimadas por cada concello. A comarca de Santiago, ao contar co maior número de concellos de interior, concentrará máis da metade destas axudas, un total de 155.248,77 euros.

Pola súa banda, na zona da Coruña e As Mariñas achéganse 50.484,89 euros,que se repartirán entre os concellos de Cambre, Carral, Coirós, Curtis, Sobrado, Vilasantar e Oza-Cesuras.

En Ferrol, Eume e Ortegal, a Deputación concedeu un total de 54.785,17
euros para os concellos de A Capela, Cerdido, Moeche, Monfero, As Pontes, San Sadurniño, As Somozas e Vilarmaior.

En canto á Costa da Morte e Bergantiños, contarán con servizos de socorrismo financiados pola Deputación a piscina da Silva e o parque acuático de Cerceda, a piscina de Vimianzo e as instalacións acuáticas municipais de Zas. A institución provincial achega 26.083,64 euros.

Por último, na zona do Barbanza a Deputación financiará a contratación de socorristas nos dous concellos que non teñen costa, Lousame e Mazaricos, achegando un total de 15.563,14.

Distribución das axudas por comarcas e concellos

Comarca da Coruña e As Mariñas

Comarca de Ferrolterra, Eume e Ortegal

Comarca de Santiago

Comarca de Bergantiños e Costa da Morte

Comarca do Barbanza