O Movemento Galego en Defensa das Pensións Públicas (MODEPEN), presenta este xoves en rolda de prensa os pormenores da Charla Informativa que se realizará o día 10 de febreiro en Vilagarcia,  e a convocatoria de Concentracións e manifestacións que se levarán a cabo no resto de Galicia. Unha movilización que se une ás que se van celebrar en todo o Estado co mesmo motivo.

A rolda de prensa, na que comparece a voceira de Modepen, Victoria Portas Mariño, vaise desenvolver o  xoves 8 de febreiro, ás 11.00 horas, na sede de Conferencias do Auditorio de Vilagarcia  (Avd de Mariña s/n).

Nesta ocasión Modepen expoñerá:

-          Os criterios que motivan a mobilización.

-          As súas reivindicacións no ámbito do sistema público de pensións.

-          As alternativas que propoñen de xeito colectivo, xunto con multitude de asociacións de xubilados e pensionistas de todo o Estado, neste asunto. Solucións factibles, posibles, reais e verdadeiras que potencian, garanten para o futuro e non dilapidan, senón todo o contrario, o sistema público de pensións.

MODEPEN é un movemento cidadán que aglutina básicamente a asociacións de xubilados e pensionistas, de xeito apartidista.