Información
Galicia

O SOCIALISTAS LEVAN AO PARLAMENTO AS AMEAZAS DA DIRECCIÓN DA CRTVG CONTRA OS TRABALLADORES POLAS CAMISETAS #DEFENDEAGALEGA

Información
02 Abril 2019 684 votos
1 1 1 1 1 1 1 1 1 1

Noela Blanco pregunta polos motivos para ofrecer “medidas disciplinarias” a través dunha nota interna

Santiago de Compostela, 02 de abril de 19. A portavoz do Grupo Socialista na Comisión da CRTVG do Parlamento de Galicia, Noela Blanco, presentou unha serie de iniciativas parlamentarias sobre as ameazas da dirección da CRTVG contra os traballadores que vistan as camisetas co lema #DefendeAGalega. A través dunha nota interna, a dirección vén de anunciar “medidas disciplinarias” no caso de que incumpran coas normas de decoro do ente.

 

A responsable política presentou estas iniciativas parlamentarias na defensa dos traballadores e traballadoras que cada venres dende hai case un ano –esta semana será a número 46-, vistan de negro “en protesta pola presión e manipulación da canle como consecuencia da inxerencia política do Goberno de Feijóo”.

A situación provocada pola dirección da CRTVG ten elevado a conflitividade laboral nos últimos tempos, “acrecentada pola política de hostigamento contra os traballadores e traballadoras, a través da apertura de expedientes disciplinarios a profesionais das canles públicas que de maneira continuada veñen denunciando a manipulación da radio e televisión públicas galegas”.

O último paso nesta escalada emprendida polos directivos do ente público ten chegado a través dunha nota interna enviada ao persoal lembrando o regulamento interno que sinala que “a aparencia persoal debe ser o máis despreocupada e neutral posible”, como subterfuxio para impedirlles vestir as sinaladas camisetas.

Otros articulos relacionados.....