Información
Galicia

Denuncian excesiva carga de traballo e a discriminación das empregadas en Abanca que dependen da familia venezolana Escotet

Información
24 Marzo 2019 549 votos
1 1 1 1 1 1 1 1 1 1

Delegados e delegadas da CIG en Abanca percorreron este xoves a cidade de Lugo, concentrándose diante de sete oficinas, para protestar pola política comercial da entidade, nomeadamente contra os obxectivos de colocacións de produtos financeiros que a clientela non reclama e para demandar a igualdade entre mulleres e homes. Esta mobilización de Lugo, adiantan, é o inicio dun proceso de mobilizacións que continuará en Ourense e Santiago o vindeiro mes de abril. 

“Que a carga de traballo sexa realizábel dentro da xornada laboral, non ter que realizar horas que a empresa non paga para dar feito a carga de traballo asignada”, está é a demanda básica que levou á CIG a saír a rúa contra a política comercial de Abanca. Unha política comercial que só ten un beneficiario, o máximo accionista da entidade, despois da privatización das antigas caixas por parte do Partido Popular. “O ano pasado a empresa tivo 430 millóns de euros de beneficios”, lembran dende a sección sindical da CIG.

 

Recorte de persoal e agresivas políticas comerciais

Dende o inicio da reconversión, alá no ano 2010, o cadro de persoal das antigas caixas reduciuse máis do 60%, o que se traduce nunha sobrecarga de traballo. Pero ademais do impacto da reestruturación, as agresivas políticas comerciais que derivan na imposición duns obxectivos comerciais crecentes -que a empresa considera de obrigado cumprimento-, xunto coas ameazas de despedimentos e represalias a quen non os cumpra, provocan que a carga de traballo sexa insoportábel.

Malia que a lexislación europea MIFID prohibe os obxectivos comerciais de produtos complexos, para defender a clientela fronte aos abusos acontecidos no sector financeiro, Abanca impón obxectivos de produtos complexos, baixo o eufemismo de “cupos” ou “retos”.

As mulleres, maiores obxectivos pero 11.173€ menos ao ano

Outro dos motivos para saír á rúa, explican dende a sección sindical da CIG, é a desigualdade salarial e a discriminación das mulleres na empresa. "Os postos máis feminizados, “subdireccións” e “postos de xestión comercial”, teñen maiores obxectivos, pero menor nivel salarial e complementos retributivos de menor contía. Comparativamente a empresa paga 26 millóns de euros menos ao ano ás mulleres que aos homes".

Ademais calquera redución xustificada da xornada (permisos, baixas, etc), non diminúe os obxectivos comerciais, o que se traduce nun incremento do ritmos de traballo ou na realización de horas extras que o banco non paga. Feito que penaliza gravemente a conciliación con carácter xeral, pero nomeadamente das mulleres que son as que principalmente piden redución de xornada por coidado de fillos/as.

A este respecto, explican que Abanca só puxo en marcha un Plan de Igualdade despois dos requirimentos da Inspección de Traballo a raíz da denuncia da CIG. Porén, este Plan "non contempla medidas para igualar salarios, nin para garantir que se cumpra a redución da carga de traballo durante os permisos ou baixas".

Dereito á desconexión dixital

Xunto a isto, as delegadas e delegados da CIG lembran que a desconexión dixital é un dereito dos traballadores e traballadoras recoñecido na nova Lei de Protección de Datos. "Abanca facilítalle ao persoal ferramentas dixitais para traballar fóra da xornada laboral (tablets, móbiles, etc), sen garantir a desconexión dixital. Todo o contrario, estas ferramentas estenden a xornada laboral sen limitación".

Para a CIG a desconexión da operativa debe realizarse cando remata a xornada laboral, doutro xeito non se respecta o dereito ao descanso e o persoal fai horas extras que o banco tampouco recoñece.

 

 

Otros articulos relacionados.....
20 Abr 2019 11:59

A cita terá lugar no pavillón do IES Río Miño este xoves,...

Agenda de Galicia
19 Abr 2019 11:30

Más de una veintena de barcos se disputarán el Trofeo Comunica...

Agenda de Galicia
19 Abr 2019 10:19

 

El Real Club Deportivo emitirá este domingo, por...

Agenda de Galicia
17 Abr 2019 14:55

O VIII Festival Primavera do Cine proxectará 10 longametraxes...

Agenda de Galicia

caion laracha evaristo alcalde hermanoscalatrava


La Plataforma en Defensa del Sector Marítimo Pesquero de Galicia ha interpuesto a través de un prestigioso gabinete de bogados especializados en asuntos de la administración pública, querella criminal contra el Alcalde de Laracha y subsiadiariamente contra todo su grupo de gobierno en el Concello de A Laracha y Evaristo Lareo Viñas en su condición de Presidente del GAC3 sito en Buño, por haber cometido presuntamente varios delitos penales a lo largo de los últimos diez años entre los más graves, de prevaricación, electorales, medio ambiente, contra el territorio, etc, en la misma constan hechos de verdadera "TRACA CARNAVALESCA" en la que se acredita como Evaristo Lareo Viñas compra con fondos europeos un monocular térmico de visión nocturna por 3.626, 37 euros, para tener bajo control presuntamente un Solar de 15 mil metros cuadrados que recalificó en conveniencia con el Alcalde Popular para acometer un

lineaazul 1600

Estrenos de Cine y Televisión

Siguenos en  -        -  -   Contacte (+) -  feedimagePublicidad +  -  Legal Proteccion de Datos UE.(+)