Información
Galicia

Ana Pontón: “O medo é libre, e Feixóo se esconde dos debates nos medios públicos”

Información
19 Marzo 2019 273 votos
1 1 1 1 1 1 1 1 1 1

O BNG considera un dereito un debate ao máximo nivel no que cada forza política explique aos galegos e as galegas cales son as súas propostas para este país. Por iso, a formación nacionalista confía que o PP non vete un debate que reclamou con éxito cando estaba na oposición.

“Entendo que o medo é libre, pero espero que Feixóo non se esconda, que dea a cara e que podamos ter un debate nos medios públicos”, salientou a portavoz nacional, Ana Pontón, a preguntas dos medios.

A sociedade ten dereito a saber as propostas de cada forza política  “e que mellor maneira que un debate ao máximo nivel nos medios públicos, penso que o PP non debería negarse, a non ser que Feixóo queira esconderse porque ten medo dos debates na TVG”, recalcou.

Tras lembrar que en 2008 o presidente do PPdeG facía esta proposta desde a oposición, -que se materializou nun debate cos máximos dirixentes do PP, PSOE e BNG-, Pontón espera que Feixóo non pasase de ser “o campión dos debates” a esconderse dos debates.

 

A líder nacionalista rexeitou a utilización de termos como “desesperada” ou “necesitada” cos que desde as filas do PP responden a unha proposta netamente política. “Non sei porque a unha muller cando está en política teñen que facerlle ese tipo de cualificativos que non fondo destilan machismo e falta de respecto, desde a prepotencia e a soberbia coa que actúa o PP”, criticou.

Quen “necesita” que se fale e se debata sobre os problemas de Galiza “é a cidadanía deste país”, recalcou, tras comprobar na pasada lexislatura o “pasotismo olímpico” das forzas estatais. “Agora que estamos en campaña o único que lle preocupa ao PP é colocar a Casado na Moncloa e tratan os galegos e as galegas como mercadoría electoral”, denunciou.

Interpelada pola conflitividade noutros partidos, Pontón rexeitou valorar “os líos internos” doutras forzas e contrapuxo esas loitas de poder co proxecto “sólido, unido e coherente” do BNG “que ofrece unha alternativa para evitar repetir o desta lexislatura, a discriminación a Galiza, primeiro co PP da man de Raxoi e despois co PSOE da man de Sánchez co apoio de En Marea-Podemos”.

“Temos as porta abertas para todos e todas que desexen unha alternativa á desfeita do PP e para todas esas persoas que están cansadas do lío en que algúns converten a política con loitas internas de cotas de poder. Como sempre dixen e recalco, o BNG ten as portas abertas para todas as persoas que teñan a súa cabeza e o seu corazón neste país”, salientou Pontón.

Alternativa a favor do país

A dirixente nacionalista salientou que o BNG cometeu erros dos que aprendeu, pero que nunca se equivocou en saber de que lado estaba. “Temos aprendido dos nosos erros, pero no que nunca nos equivocamos foi de que lado estábamos e sempre estivemos en Madrid para defender os intereses deste país”.

Como exemplo, os 2.000 millóns de euros de investimento do Estado que lograba Galiza cando o Bloque era determinante no Congreso, fronte ao recortazo do PP primeiro e do PSOE despois, cuns orzamentos apoiados por En Marea-Podemos.

“Estou convencida que no medio deste lío hai moitas persoas que están mirando cara o BNG porque ven en nós unha forza política sólida, unida e coherente que representa unha alternativa que defende os intereses nacionais e sociais de Galiza”, concluíu

Otros articulos relacionados.....
24 Abr 2019 13:28

A Plataforma Vía Galega, que integra a máis 50 entidades sociais...

Agenda de Galicia
24 Abr 2019 13:26

Tras o descanso invernal, a expectación é máxima no Campionato...

Agenda de Galicia
23 Abr 2019 15:25

O vindeiro domingo 28 de abril están convocadas eleccións...

Agenda de Galicia
23 Abr 2019 09:01

Un año más el Club Waterpolo Pontevedra luchará por el título...

Agenda de Galicia

caion laracha evaristo alcalde hermanoscalatrava


La Plataforma en Defensa del Sector Marítimo Pesquero de Galicia ha interpuesto a través de un prestigioso gabinete de bogados especializados en asuntos de la administración pública, querella criminal contra el Alcalde de Laracha y subsiadiariamente contra todo su grupo de gobierno en el Concello de A Laracha y Evaristo Lareo Viñas en su condición de Presidente del GAC3 sito en Buño, por haber cometido presuntamente varios delitos penales a lo largo de los últimos diez años entre los más graves, de prevaricación, electorales, medio ambiente, contra el territorio, etc, en la misma constan hechos de verdadera "TRACA CARNAVALESCA" en la que se acredita como Evaristo Lareo Viñas compra con fondos europeos un monocular térmico de visión nocturna por 3.626, 37 euros, para tener bajo control presuntamente un Solar de 15 mil metros cuadrados que recalificó en conveniencia con el Alcalde Popular para acometer un

lineaazul 1600

Estrenos de Cine y Televisión

Siguenos en  -        -  -   Contacte (+) -  feedimagePublicidad +  -  Legal Proteccion de Datos UE.(+)