Información
Galicia

"creemos necesario unha nova alianza de todo o persoal facultativo, sindicatos e organizacións profesionais" dice a Asociación Galega de Defensa da Sanidade Pública (AGDSP)

Información
13 Diciembre 2018 383 votos
1 1 1 1 1 1 1 1 1 1

Ante a información da dimisión en bloque do 80% dos xefes de servizo de atención primaria na área de Vigo, algúns nomeados recentemente polo SERGAS,  desde a Asociación  galega para a Defensa dá  Sanidade Pública queremos comunicar que:

 

1.- Agradecemos  a decisión das Xefaturas de Atención Primaria da Área de Vigo e subscribimos t

punto por punto todo o escrito na carta de dimisión xa que describe perfectamente a situación de abandono, de falta de capacidade de resolución, de carga de traballo, a falta de motivación e a precariedade dos profesionais da atención primaria de Vigo e de Galicia

2.-  Que esta situación ten unha relación directa coa estratexia de control férreo da sanidade dende as xerencias hospitalarias nomeadas a dedo pola Conselleria de Sanidade en función da súa fidelidade política para acabar coa escasa autonomía e capacidade de autoxestión da Atención Primaria

3.- A recente reforma da Lei de Saude de Galicia consolidou as Estruturas de Xestión Integrada (EOXIS) que suprimiron as Xerencias de Atención Primaria integrándoas nas Hospitalarias. Este cambio de modelo laminou economicamente a unha empobrecida Atención Primaria dada a  enorme diferenza de poder entre uns servizos hospitalarios  xerarquizados e  os centros de saúde dispersos e con escasa influencia social e profesional .

2.- A marxinación da Atención Primaria explica o seu reducido orzamento, que descendeu do 12,6% en 2010 ao 12,4% no 2019 (o Plan de  Mellora de AP de Galicia do 2008, elaborado de maneira consensuada por todas as organizacións de primaria coa  Consellería de  Sanidade, fixábao no 25%).

3.- Esta perda de poder da AP  asociouse coas restricións de acceso a probas  diagnósticas, incrementos de burocracia delegada,  a imposición de protocolos e guías clínicas (en cuxa elaboración non participou a AP) e as trabas e restricións as derivacións e  interconsultas. O poder real dos Centros de Saúde o  ten as xerencias e xefaturas de servizos  hospitalarias.

4.- A isto habería que engadir os recortes en nos PAC e na pediatra que explican a revolta social e profesional

5.- Consideramos que AP non pode retroceder mais, creemos necesario articular unha nova alianza de todo o persoal facultativo dos centros con sindicatos e organizacións profesionais para esixir que se abra de inmediato unha Comisión Mixta coa administración que elabore un Novo Plan de  Mellora de AP.

6.- En caso que esta petición non sexa atendida polo Goberno da Xunta consideramos urxente organizar unha gran mobilización profesional.

A Asociación Galega de Defensa da Sanidade Pública (AGDSP)

Otros articulos relacionados.....