O número de membros da carreira xudicial que comunicaron á presidencia do Tribunal Superior de Xustiza de Galicia a súa decisión de secundar a xornada de paro convocada hoxe polas asociacións xudiciais é de 144 dos 350 en activo. Con respecto aos órganos colexiados (TSXG e Audiencias Provinciais), comunicaron a súa adhesión 29 maxistrados e maxistradas. En órganos unipersoais, por provincias, 57 na Coruña, 11 en Lugo, 10 en Ourense e 37 en Pontevedra.

En total suspendéronse 265 actuacións xudiciais (xuízos ou declaracións), segundo os datos facilitados polos letrados da Administración de Xustiza ao presidente do TSXG. Destas suspensións, 137 producíronse na provincia da Coruña; 28, en Lugo; 44, en Ourense; e 56, en Pontevedra.