S
A representación sindical dos medios públicos pídelle ao director xeral da CRTVG que defenda a profesionalidade de todo o persoal
San Marcos, 5 de outubro de 2018
O Comité Intercentros considera inadmisible a opinión verquida hoxe
na columna de El Correo Gallego “Que din os rumorosos” por parte de Antón
Trabanca, na que sementa as dúbidas sobre se “se están a producir
pequenas sabotaxes nos telexornais da TVG” por parte de “persoas
dispostas a todo”.
O columnista, que aparenta descoñecer o contexto de fonda mudanza
tecnolóxica polo proceso de dixitalización que está a acometer a televisión
pública estes días, permítese insinuar que “os reiterados fallos técnicos que
se están producindo nos programas informativos: videos que entran
cortados, conexións que se producen con retardo, cortes inxustificables de
declaracións....parecen demasiados erros para englobalos no cupo dos fallos
humanos sen intención”.
O Intercentros enmarca esta provocación no contexto de protesto
xeralizado do persoal dos medios públicos, que leva vinte semanas
denunciando a manipulación informativa e o desmantelamento da CRTVG a
través dos chamados “venres negros” -iso ao que o columinista se refire
como que “as augas baixan revoltas”-, e apunta a que Antón Trabanca
responde aos intereses de quen, desde a súa posición de poder, non tolera a
demanda duns medios públicos independentes e ao servizo de todos os
galegos e galegas.
O comité solicitóulle por escrito esta mesma mañá ao director xeral da
CRTVG, Alfonso Sánchez Izquierdo, que desminta públicamente esta grave
difamación que atenta contra a dignidade dos e das profesionais dos medios
públicos de Galiza.
PEMEX - Feijóo - Barreras - Lozoya
