Buscar
- 
Publicidad + 
A sala Juanjo Gallo da Deputación da Coruña acolleu hoxe o tradicional acto no que, con motivo da celebración do día de Santa Rita, patroa dos funcionarios, se homenaxea aos empregados da institución provincial que se xubilan este ano e aos que cumpren 25 anos de servizo.
O acto contou coa asistencia do presidente da Deputación, Valentín González Formoso, a vicepresidenta, Goretti Sanmartín, e representantes dos distintos grupos políticos da Corporación provincial, que foron entregando aos 21 funcionarios homenaxeados as súas placas e pins conmemorativos.
Na súa intervención, o presidente provincial agradeceu o traballo desenvolvido polos funcionarios da Deputación durante tantos anos de servizo público. "O ben que funciona a Deputación, o ben que se fan as cousas é consecuencia do alto nivel dos funcionarios desta casa", afirmou González Formoso, que destacou o "orgullo" que supón formar parte dunha xeración de traballadores cuxo traballo contribuiu a situar á institución provincial coruñesa entre as primeiras de España como a máis eficiente e a que máis destina a investimento, a máis transparente segundo a OCU, a que máis rápido paga as súas facturas segundo a Asociación de Traballadores Autónomos e a única da península con débeda cero.
