Información
Galicia

Mercan empanadas, pizzas e bocadillos para o alumnado ante o abandono das súas obrigas do Goberno de Feijóo (PPdeG) por falta de subministro en comedores escolares

Información
23 Septiembre 2018 385 votos
1 1 1 1 1 1 1 1 1 1


A CIG-Ensino vén de denunciar os problemas de subministro que se están a dar en arredor dunha vintena de comedores escolares, sobre todo de ámbito rural, pola falta de xestión da consellaría. Deficiencias das que responsabiliza á empresa concesionaria, Gescor, que obrigaron a algún centro a mercar empanadas, pizzas e bocadillos para darlle de comer ao alumnado e diante das que insta, máis unha vez, á consellaría a asumir directamente a xestión deste servizo.

 

A empresa salmantina Gescor ten a concesión, nuns casos, para subministrar a comida elaborada aos comedores escolares e, noutros, as materias primas necesarias para a súa preparación. Porén, tanto as direccións dos centros como as ANPAs teñen denunciado nestes primeiros días de curso diversos incumprimentos de contrato. Entre as deficiencias detectadas están a non provisión de alimentos elaborados, materias primas, menaxe, frigoríficos ou lavalouza, problemas no reparto, impagos a provedores/as e traballadores/as ou a falta de persoal coidador.

A CIG-Ensino lembra que esta non é a primeira vez que esta compañía resulta sancionada por faltas graves, con até 17.000 euros, pero denuncia que, dado que se están a repetir as queixas neste comezo de curso, a Xunta non tomou medidas efectivas nin para garantir o seu cumprimento nin, como ten demandado en reiteradas ocasións, para facerse cargo da xestión directa dos comedores.

Empanadas, pizzas e bocadillos

Entre as queixas máis recentes que se veñen detectando destacan a do CEIP Celso Emilio Ferreiro na Silva, en Cerceda, que elabora a comida para un total de 340 nenos e nenas de cinco centros da comarca de Bergantiños e que antonte non recibiu comida. Isto obrigou a eses centros a comprar pola súa conta empanadas, pizzas e bocadillos para darlle ao alumnado. Son numerosos os problemas que arrastra nesta zona a empresa privada con respecto a impagos a provedores e a traballadores.

A mesma situación insostíbel se repite en diversos centros da provincia de Lugo que levan con problemas no subministro de alimentos desde que comezou o curso. É o caso do IES Fonmiñá da Pastoriza que elabora tamén a comida para o IES Enrique Muruais da Pontenova e que nestes intres só ten materias primas para elaborar un prato de comida. A dirección pediu xa autorización por escrito á Xefatura Territorial para facer compra de alimentos básicos pero aínda non recibiu contestación. Tamén no IES Basanta Silva de Vilalba levan dous días sen recibir nada, a parte de que non foron dotados con frigorífico, e hai falta de persoal coidador.

Neste sentido, noutros centros que teñen previsión de que os subministros se van acabar a Xefatura Territorial xa lles deu indicación de que merquen pola súa conta o pan, como o IES de Becerreá. A situación é tamén igual de esperpéntica no CPI Uxío Novoneyra de Pedrafita, nos IES Lamas das Quendas e de Val do Asma en Chantada, onde tamén se detectaron falta de pratos e enxoval desde comezos de curso.

A CIG-Ensino esíxelle á Consellaría que solvente de inmediato estes problemas para que todos os nenos e nenas teñan garantida a súa comida en condicións óptimas e co persoal necesario para o seu coidado. Á vez que insta a asumir directamente a xestión deste servizo para que non se produza a súa perversión a mans de empresas privadas que non son capaces de cumprir os contratos de concesión. Lembra que o sindicato sempre defendeu que os comedores e o transporte escolar son dous servizos públicos máis dentro do servizo educativo que presta a administración e, polo tanto, así deben ser tratados.

Queixas tamén nas cafeterías escolares

En paralelo á cuestión dos comedores, tamén se están a producir deficiencias no arranque de curso coas cafeterías escolares. Despois de que a Xunta resolvera a súa concesión nun concurso centralizado, moitas das persoas aspirantes elevaron a súa oferta de canon para non quedar sen o contrato, o que serviu, practicamente en exclusiva, para que a administración aumentase a recadación.

Con todo, algúns adxudicatarios e adxudicatarias anteriores quedaron fóra ao non poder competir con empresas máis grandes, e agora atópanse con que teñen material inservíbel que compraron durante os anos que prestaron servizos. Polo demais, e aínda que o concurso se resolveu a finais do verán, o feito de que administrativamente non estea pechado, impide que se poidan abrir estes establecementos.

Isto leva a que moitas persoas que quedaron sen traballo estiveron pagando igualmente a cota de “autónomos” durante as vacacións á espera de saber se lles era concedido ou non o contrato. Agora mesmo, quen finalmente si foi adxudicatario segue sen poder comezar a actividade, malia xa ter comprado provisións, polo que a Consellaría ten que resolver esta cuestión canto antes para non prexudicar máis economicamente a estas persoas e ao funcionamento habitual dos centros.

Otros articulos relacionados.....
17 Abr 2019 14:55

O VIII Festival Primavera do Cine proxectará 10 longametraxes...

Agenda de Galicia
17 Abr 2019 13:57

A Xunta de Goberno Local do Concello de Vigo aprobou na súa sesión...

Agenda de Galicia
17 Abr 2019 13:55

O pavillón municipal de Luintra acollerá o vindeiro sábado,...

Agenda de Galicia
17 Abr 2019 13:52

Tras a experiencia positiva do ano pasado, este ano volve celebrarse...

Agenda de Galicia

caion laracha evaristo alcalde hermanoscalatrava


La Plataforma en Defensa del Sector Marítimo Pesquero de Galicia ha interpuesto a través de un prestigioso gabinete de bogados especializados en asuntos de la administración pública, querella criminal contra el Alcalde de Laracha y subsiadiariamente contra todo su grupo de gobierno en el Concello de A Laracha y Evaristo Lareo Viñas en su condición de Presidente del GAC3 sito en Buño, por haber cometido presuntamente varios delitos penales a lo largo de los últimos diez años entre los más graves, de prevaricación, electorales, medio ambiente, contra el territorio, etc, en la misma constan hechos de verdadera "TRACA CARNAVALESCA" en la que se acredita como Evaristo Lareo Viñas compra con fondos europeos un monocular térmico de visión nocturna por 3.626, 37 euros, para tener bajo control presuntamente un Solar de 15 mil metros cuadrados que recalificó en conveniencia con el Alcalde Popular para acometer un

lineaazul 1600

Estrenos de Cine y Televisión

Siguenos en  -        -  -   Contacte (+) -  feedimagePublicidad +  -  Legal Proteccion de Datos UE.(+)