A Fundación Municipal de Deportes clausurou a XVI edición do Torneo de Tenis de Verán nun acto celebrado a pé de pista tras a celebración das finais da categoría absoluta. Na modalidade feminina proclamouse campiona Marta Rodríguez Mondragón e na masculina José Antonio Orois Barreiro. O palmarés completárono Álvaro Abalo Martínez na categoría A e Marta Rodríguez Mondragón na categoría B. Por último, no apartado de veteranos, o vencedor foi José Luis Padín Núñez. O concelleiro de Deportes e presidente da Fundación Deportiva Municipal, Argimiro Serén Mera, presidiu a entrega de trofeos.
| 28.08.2018.- O XVI Torneo de Tenis de Verán desenvolveuse nas pistas do complexo multideportivo de Fontecarmoa do 9 de xullo ao 23 de agosto. Este ano contou coa participación de 102 xogadores: categoría A (8), categoría B (8), Veteranos, (19), absoluta feminina (11) e absoluta masculina (56). Disputáronse un total de 132 partidos, xogando as categorías A e B polo sistema de liguiña por grupos, mentres que as categorías Absoluta masculina e feminina e Veteranos fixérono na modalidade de eliminatoria. RESULTADOS: -CATEGORIA A: Álvaro Abalo Martínez vence a Candela Fajardo Aranda (4-2/2-4/4-1). -CATEGORIA B: Marta Rodríguez Mondragón vence a Yolanda Rodríguez González (6-1/6-1). -VETERANOS: José Luis Padín Núñez vence a Manuel Vázquez Castelo (6-3/6-4). -ABSOLUTA FEMENINA: Marta Rodríguez Mondragón vence a Yolanda Rodríguez González (6-0/6-1). -ABSOLUTA MASCULINA: José Antonio Orois Barreiro vence a Breogán Calviño Froiz (6-2/6-2). |
