Alba Gómez Mesías, a nadadora de 17 anos do Club Natación Arteixo, acaba de regresar de Sevilla, de participar no Campionato de España Absoluto Open.

  

Volta con boas marcas, dúas fináis e moi bos postos na súa categoría de Absoluta Moza, categoría na que se estreou esta tempada.

Esta nadadora é a deportista do club arteixán con máis citas a nivel nacional ás súas costas. Nesta ocasión participou nun total de cinco probas celebradas entre o mércores 11 de xullo e domingo 15. A competición celebrouse na piscina de 50 metros da vila de Mairena del Aljarafe (Sevilla), foi ó aire libre e Alba gozou da sorte dunha temperatura bastante moderada para estas alturas do verán nesta zona.

Alba estreouse o mércores co 50 braza, no que acadou o 8º posto da súa categoría, o xoves nadou 400 estilos, proba na que foi finalista, participando cunha gran mellora na sesión de tarde, 3º posto. O venres foi o turno do 100 braza, proba na que acadou o 6º posto. O 200 braza foi o sábado, entrou na final, mellorando de novo a súa marca pola tarde e finalizando no 4º posto. O último día de competición, o domingo Alba nadou a proba de 200 estilos, quedouse a tan só unha praza de ser finalista, e cunha marca moi boa acadou o 4º posto.

En resumen, un bo campionato, destacando moito na categoría absoluta moza, agora toca a cita do Campionato Galego, no que terá outra oportunidade de rematar con nota moi alta a que xa é unha gran tempada desta nadadora, tanto a nivel deportivo coma de estudios.