Tui súmase á elaboración da `Estratexia 2030' de Cooperación do río Miño transfronteirizo

Información
Galicia | 15 Julio 2018 | 2419 votos Regístrese para votar | Correo electrónico | Imprimir
social youtube xornalgalicia   feed-image

O deputado de Cooperación Transfronteiriza e director da AECT Río Miño, Uxío Benítez, e parte do equipo técnico e científico do proxecto Smart Minho, mantiveron hoxe unha reunión coa Directiva da Cámara Oficial de Comercio, Industria e Navegación de Tui para a elaboración da `Estratexia 2030´ de Cooperación Intelixente do Río Miño Transfronteirizo, na que se materializou o compromiso da asociación tudense a sumarse á construción deste documento estratéxico. Así o manifestou o presidente da Cámara, Gumersindo Alonso, quen destacou a súa satisfacción por formar parte dun "proxecto tan ilusionante" e amosou a súa disposición de traballar conxuntamente nesta iniciativa.

 

O deputado de Cooperación Transfronteiriza, Uxío Benítez, agradeceu "a implicación da Cámara", e destacou "a importancia de contar cunha organización como esta que representa á gran parte do sector económico do Baixo Miño". Benítez incidiu na relevancia que terá a estratexia para o territorio "xa que é a primeira vez que se elabora un documento así, tomando o río Miño como un elemento vertebrador entre os dos dous países, e non como un elemento de separación". Así mesmo, destacou a importancia da participación dos axentes locais na redacción dun documento que "marcará as directrices da cooperación entre Galiza e Portugal durante a próxima década, e que se fai dende abaixo, contando coa opinión e as achegas da cidadanía, verdadeira protagonista do proxecto".

Na xuntanza, o director da AECT Río Miño tamén tivo a oportunidade de coñecer o anteproxecto de reforma da antiga alfándega de Tui, aprobado por Patrimonio, un local de tres plantas e 718 m2, propiedade da Cámara, e que se barallou como posible futuro centro de iniciativas transfronteirizas.


TAMBIÉN LE PUEDE INTERESARlineaazul 1600