Información
Galicia

A “Declaración de Carballo” compromete aos concellos de Bergantiños co uso do galego nos eidos administrativo e xurídico

Información
13 Julio 2018 1618 votos
1 1 1 1 1 1 1 1 1 1

Descuberta da placaO edificio dos xulgados foi escenario hoxe dun acto de recoñecemento a Carmen Pose Amado por ditar as primeiras sentenzas en galego neste partido xudicial

Os alcaldes dos sete concellos da comarca de Bergantiños quedaron comprometidos hoxe a “liderar o proceso de normalización lingüística no ámbito local e nos eidos das actividades administrativas e das profesións xurídicas”, e con esa finalidade solicitarán aos profesionais da xustiza que representen aos seus concellos que utilicen o galego, elaborarán neste idioma os documentos dirixidos a notarías e rexistros e fomentarán o seu uso como lingua habitual de traballo das policías locais.

Esas tres medidas están recollidas na Declaración de Carballo, un documento asinado hoxe pola mañá polos alcaldes e por representantes da Secretaría Xeral de Política Lingüística e da Irmandade Xurídica Galega tras a celebración dun acto de recoñecemento á maxistrada Carmen Pose Amado, natural de Valenza (Coristanco), por ter ditado as primeiras sentenzas en galego no noso partido xudicial. Algúns dos rexedores non puideron estar presentes, pero teñen expresado tamén o seu compromiso e materializarano coa sinatura da declaración nos vindeiros días.

Acto de sinatura da Declaración de Carballo

O obxectivo, como tamén se reflicte na propia Declaración de Carballo, é que o galego vaia conquistando cada vez máis espazos. A Irmandade Xurídica Galega, organizadora do acto de hoxe, leva dez anos traballando, precisamente, para fomentar o uso do galego nos ámbitos xurídico e administrativo. “Afortunadamente –sinalou o seu presidente, Xoaquín Monteagudo- hai un grupo de xuíces, avogados, xuristas... que asumen esta tarefa ilusionante de normalizar o uso da lingua galega na xustiza e nos procesos. Entre eles encóntrase Carmen Pose, que estivo aquí en Carballo e que ao longo da súa vida profesional foi unha defensora que puxo a súa ilusión e o seu traballo, porque non é unha tarefa doada, para defender o uso da lingua galega”.

Carmen Pose Amado: “A normalización empeza por unha opción individual. Se se quere fálase e escríbese galego en calquera ámbito profesional”

A homenaxeada recoñeceu que “non son moi bos tempos para o galego nestes ámbitos. A proba –engadiu- é que estamos aquí, no ano 2018, celebrando un acto para seguir divulgando o galego no ámbito xudicial e xurídico”. Precisamente cando se cumpren 35 anos da promulgación da Lei de Normalización Lingüística, “o emprego da lingua galega no mundo xudicial segue sendo moi baixo”, asegurou. Na súa opinión hai varios factores que inflúen, pero Carmen Pose destacou dous principalmente. Por unha banda, a decisión persoal de usar o galego. “A normalización empeza por unha opción individual. Se se quere –dixo- fálase e escríbese galego en calquera ámbito profesional”. Por outra, a posibilidade de dispoñer de ferramentas informáticas que o fagan posible, xa que, segundo explicou, o sistema actual funciona “íntegra e exclusivamente en castelán”, o cal complica un dereito tan básico coma o de poder utilizar o galego no traballo, no caso dos profesionais, ou de que a cidadanía poidan solicitar que os seus expedientes se tramiten nesta lingua.

Descuberta da placa

A subdirectora xeral de Planificación e Dinamización Lingüística, Elvira Casal, animou aos profesionais da xustiza e aos concellos a seguir nese camiño. “É un traballo de todos facer que sexa normal o que non debe ser excepcional”, manifestou.

O alcalde de Carballo, Evencio Ferrero, que pechou as intervencións, lembrou ao maxistrado Gonzalo de Huerga, que traballou neste partido xudicial nos anos 70 e que ditou a primeira sentenza en galego na comunidade autónoma, e instou ás persoas presentes a recuperar “o espírito dos poderosos” para poñer en valor o noso idioma. “Que todos sexamos conscientes –dixo- de que o idioma que nos é propio, o idioma que nos fai estar no mundo, é necesario”.

O acto continuou coa descuberta dunha placa que lembra aquela primeira sentenza de Carmen Pose ao pouco de empezar a funcionar o xulgado número 3, e coa sinatura da Declaración de Carballo por parte dos alcaldes presentes. Ademais de Evencio Ferrero asistiron ; Abraham Gerpe, de Coristanco, e José Manuel Mouzo, de Laxe. Tamén participaron varios membros do goberno municipal de Carballo e profesionais da xustiza.

Otros articulos relacionados.....
20 Abr 2019 11:59

A cita terá lugar no pavillón do IES Río Miño este xoves,...

Agenda de Galicia
19 Abr 2019 11:30

Más de una veintena de barcos se disputarán el Trofeo Comunica...

Agenda de Galicia
19 Abr 2019 10:19

 

El Real Club Deportivo emitirá este domingo, por...

Agenda de Galicia
17 Abr 2019 14:55

O VIII Festival Primavera do Cine proxectará 10 longametraxes...

Agenda de Galicia

caion laracha evaristo alcalde hermanoscalatrava


La Plataforma en Defensa del Sector Marítimo Pesquero de Galicia ha interpuesto a través de un prestigioso gabinete de bogados especializados en asuntos de la administración pública, querella criminal contra el Alcalde de Laracha y subsiadiariamente contra todo su grupo de gobierno en el Concello de A Laracha y Evaristo Lareo Viñas en su condición de Presidente del GAC3 sito en Buño, por haber cometido presuntamente varios delitos penales a lo largo de los últimos diez años entre los más graves, de prevaricación, electorales, medio ambiente, contra el territorio, etc, en la misma constan hechos de verdadera "TRACA CARNAVALESCA" en la que se acredita como Evaristo Lareo Viñas compra con fondos europeos un monocular térmico de visión nocturna por 3.626, 37 euros, para tener bajo control presuntamente un Solar de 15 mil metros cuadrados que recalificó en conveniencia con el Alcalde Popular para acometer un

lineaazul 1600

Estrenos de Cine y Televisión

Siguenos en  -        -  -   Contacte (+) -  feedimagePublicidad +  -  Legal Proteccion de Datos UE.(+)