María do Ceo elixe Vilagarcía como ponte de unión entre a música galega e portuguesa

Información: Galicia | 11 Mayo 2016 | 3715 votos Regístrese para votar | Correo electrónico | Imprimir

O Auditorio de Vilagarcía acolle o sábado 14 de maio un concerto no que a música galega e portuguesa daranse a man a través da voz de María do Ceo. A cantante elixiu Vilagarcía como ponte de unión da cultura galaico portuguesa e para presentar aquí o seu último traballo, un dobre CD que leva por título “De Portugal a Galicia Fados” e que inclúe temas en galego con versos de poetas da terra, así como fados. No concerto do sábado, María do Ceo contará co acompañamento dos acordeóns do grupo local Arosa Bay.

10.05.2016.- O concerto de María do ceo ae o grupo de Acordeóns Arosa Bay prsentouse este mediodía no Auditorio nun acto no que participaron a concelleira de Cultura, Sonia Outón, a cantante e membros do grupo de acordeóns.
As entradas para asistir a este concerto, o terceiro que María do ceo, ofrece en Vilagarcía “onde sempre me sinto moi querida e arroupada”, xa se poden adquirir a través de ticketea.com ou da billeteira telefónica do 902 044 226. O prezo é de 6, 8 e 10 euros dependendo na zona do Auditorio máis custes de xestión. Tamén se poderán adquirir, sen gastos engadidos, o mesmo día da función a partir das 19:00 horas no Auditorio.
A fadista galega explicou que no concerto do sábado interpretará un número igual de temas en galego que de fados. Para María o CD que aglutina os temas en galego é unha homenaxe Ás Letras Galegas, posto que a maioría dos temas musican versos de poetas como Rosalía de castro, Álvaro Cunqueiro ou Castelao entre outros. María dálle unha importancia moi grande ás letras, de aí que o seu dobre disco, ademais dos dous CDs inclúe un libriño con as letras de todas as cancións.
A intérprete cantará o sábado un tema composto por ela mesma que leva por título “Bate a mar” e que dedicará moi especialmente aos vilagarciáns e ás xentes da ría.
María do ceo virá acompañada dos seus propios músicos: un acordeonista, unha guitarra española e unha guitarra portuguesa que interpretarán en directo parte dos temas que interpretará no concerto, xa que o acompañamento musical dos restantes correrá a cargo da Arousa Bay.
O portavoz da formación vilagarciá, Alfonso Galbán, comentou que para eles é unha gran honra poder acompañar a María do Ceo “porque é toda unha referencia do fado tanto en España como en Portugal e unha das voces máis doces e fermosas que se poden escoitar hoxe en día”.

Detalles: Categoría: Galicia; Publicado: 11 Mayo 2016; Creado: 11 Mayo 2016; Última actualización: 11 Mayo 2016; Visto: 3715

TAMBIÉN LE PUEDE INTERESAR