Margarita Ledo presentará no Grove o seu documental "A Cicatriz Branca"

Información
Galicia 05 Mayo 2016 4219 votos Regístrese para votar
social youtube xornalgalicia   feed-image

slide4O último traballo de Ledo proxectarase na Casa da Cultura dentro do programa Cinemas de Galicia.

O Grove, 5 de maio de 2016. O vindeiro sábado ás 20.00 horas terá lugar unha nova sesión do programa Cinemas de Galicia. Nesta ocasión trátase do traballo documental "A Cicatriz Branca" que narra a historia das mulleres que emigraron soas dende Galicia a América. O filme, dirixido por Margarita Ledo Andión, será presentando por ela mesma, quen tamén estará dispoñible para realizar un coloquio cos asistentes tras a proxeccións.

Margarita Ledo, na actualidade profesora de xornalismo na Universidade de Santiago de Compostela, conta cun amplo curriculum vencellado á cultura e ao audiovisual galego. É membro da Real Academia Galega e unha persoa de referencia no panorama intelectual da nosa comunidade.

Lembramos que esta é a terceira proxección dentro do programa de Cinemas de Galicia e que o prezo da entrada é de tres euros.

Ao chegarmos a porto, dúas señoras da igrexa católica fixéronse responsábeis de nós, das rapazas que viñamos soas. E dos nosos papeis. Para non ter que pasar o control de emigrantes, dixeron. A casa onde sirvo é boa. Hai dous rapaces. Agardo estea ben, avoa. Non deixe de comer... (Merce)

Na primeira metade do século XX, milleiros de mulleres saíron soas de Galicia cara a América. Moitas delas eran ilegais, con papeis que falsificaban a súa idade e mesmo a súa identidade. Historias ordinarias como a de Merce, destinada a servir e, entre lusco e fusco, despedida. Sen lugar onde ir nin a quen acudir, Merce pasa tres días e tres noites encrequenada na Estación Constitución onde a súa vida entrenza coa de outras migrantes. Á par dun traballo na fábrica Mil8, Merce casa, asiste a clases de contabilidade nalgunha das Sociedades Galegas mais un bo día a norma esnaquiza por algo tan simple como prendarse dunha situación que aínda non é quen de nomear.

Máis información sobre o documental: http://acicatrizbranca.com/

Biografía de Margarita Ledo Andión:

https://es.wikipedia.org/wiki/Margarita_Ledo_Andi%C3%B3n


TAMBIÉN LE PUEDE INTERESARlineaazul 1600