Iniciativa para dar a coñecer as potencialidades da camelia é bonita e útil

Información
Galicia 24 Abril 2016 3889 votos - Registrate para votar

A deputada provincial de Sectores Produtivos Primarios e delegada de Areeiro, Eva Vilaverde, asegurou hoxe que "a iniciativa do centro de hostalería Carlos Oroza para dar a coñecer as potencialidades da camelia é bonita e útil e coincide ao 100% co obxectivo que temos dende a Deputación de Pontevedra". Vilaverde sinalou que a actividade, que incluía mesas de información e unha degustación con pratos coa camelia como ingrediente, demostrou tanto as potencialidades turísticas da flor, as gastronómicas como de opción para o desenvolvemento do campo galego.

Os alumnos do Carlos Oroza, en colaboración coa Deputación a través da Estación Fitopatolóxica de Areeiro, instalaron tres puntos de difusión de información sobre a flor: na Praza de España, na Praza da Ferrería e na rúa Tomás de Sarria. Alí os estudantes de primeiro curso do centro explicaron cuestións tan diferentes como a vinculación das camelias con Federico García Lorca, o motivo de que a flor sexa o emblema de Cocó Chanel, as propiedades do aceite das sementes, a orixe do té ou segredos de beleza coa camelia como protagonista. Así mesmo, ofreceron 600 degustacións de productos ‘xapogalegos': nigiri de vieira con aceite de camelia, follas fritidas de camelia con chantilli e té con aroma de amorodo e pétalos deshidratados. Todo isto baixo o título ‘A nosa camelia, tan curiosa como saborosa'.

Esta actuación  continúa na liña da mostra da camelia organizada dende a Deputación provincial baixo o nome de ‘Os sentidos da camelia' os pasados 19 e 20 de marzo. Por este motivo, a Estación Fitopatolóxica de Areeiro (dependente da institución provincial), aportou asesoramento e documentación, ademais de aceite de camelia, pétalos e té. Segundo explicou a deputada delegada, Eva Vilaverde, "na mostra da camelia xa se demostrou que a xente ten interese en coñecer os produtos da camelia e que hai un espazo de actividade económica que se pode desenvolver e que pode resultar proveitoso pola súa multifuncionalidade".

Na realización da proposta multisensorial da camelia por parte do Carlos Oroza están involucrados alumnado e profesorado de tres departamentos: os alumnos de 1º curso de Cociña, dirixidos polo profesor Daniel Pulzoni; os alumnos de 1º de Panadería e Pastelería (Industrias Alimentarias), dirixidos por Javier Oubiña; e os alumnos de 1º do Ciclo Superior de Guías e Información Turística, coa participación das profesoras María José Lores, Sandra Pérez e Marta Abad.

A coordinación do evento foi levada adiante pola profesora Tina Otero, que destacou a necesidade de "vivir a rúa" por parte dos estudantes e de "subirse ao tren da camelia, potenciando un produto autóctono, amosando as habilidades dos alumnos do centro e abrindo expectativas para unha vía de actuación que pode servir para fidelizar ao turismo".

PopFeed: El destinatario de correo electrónico especificado está vacío o no es válido. Verifique las opciones y inténtelo de nuevo.

TAMBIÉN LE PUEDE INTERESARlineaazul 1600