Despois de que Vilagarcía dera a coñecer a incerteza tras a adquisición de Eptisa por un xigante empresarial chinés, a voz de alarma saltou entre os outros 16 concellos de Galicia que tamén teñen adxudicada á empresa a redacción dos seus plan xerais de ordenación municipal. O alcalde, Alberto Varela, xa contactou con varios rexedores de diferentes partidos coa intención de organizarse e, ademais de dirixirse individualmente á nova dirección do grupo, tamén pretenden manter unha xuntanza conxunta cos responsables da Xunta, xa que esta administración subvenciona a redaccións dos plans e, polo tanto, tamén se ve afectada por este novo escenario. 27.12.2016.- Contar cos Plan Xeral de Ordenación urbana Municipal é unha obriga legal e axustalos aos cambios normativos que vai realizando a administración autonómica tamén. A importancia que revisten os planeamentos é a razón pola que a Xunta de Galicia, a través da secretaría Xeral de Urbanismo, colabora cos concellos subvencionando os complicados traballos de redacción dos documentos. E neste punto, á administración autonómica é unha afectada máis.
A idea que s está a fraguar entre os 17 municipios galegos que teñen contratados estes ordenamentos con Eptisa é trasladar a súa preocupación aos responsables autonómicos e determinar entre todos as posibles liñas de actuación.
Namentres, e tal como xa anunciara a semana pasada o alcalde de Vilagarcía, a Xunta de Goberno Local acordou na reunión desta mañá, dirixirse por escrito á nova dirección de Eptisa para que, de forma oficial, informe de si están en disposición de continuar coa redacción do PXOM de Vilagarcía cumprindo cos prazos previstos e nas mesmas condicións e cos mesmos recursos especificadas no contrato asinado no seu día entre ambas partes.
O coñecemento destes datos é básico e fundamental para que o Concello decida, si é preciso, os seguintes pasos a dar, xa que o goberno socialista non quere que o Plan Xeral acumule máis demoras.