Marta Pérez, do grupo de Ciencia do Sistema Terra, estuda na Patagonia as variacións climáticas e ambientais ao longo de 11.000 anos

Información
Galicia | 19 Diciembre 2016 | 3692 votos Regístrese para votar | Correo electrónico | Imprimir
social youtube xornalgalicia   feed-image

O traballo publicado en Scientific Reports co lidérao Marta Pérez Rodríguez

A investigadora do grupo Ciencia do Sistema Terra Marta Pérez Rodríguez acaba de publicar en Scientific Reports un traballo que profunda no estudo das variacións climáticas e ambientais ao longo dun período de 11.000 anos o que permite comprender mellor a evolución do clima da Terra. O traballo publicado colidérao Marta Pérez Rodríguez con investigadores da Universidade de Braunschweig e céntrase na análise dos sedimentos do Lago Hambre, na Patagonia chilena. Concretamente achega información sobre a produtividade das algas verdes e diatomas e o efecto das precipitacións no sur desta rexión sudamericana. Concretamente a investigadora estudou a influencia da insolación total ao longo do tempo, “se a insolación era maior, predominaban algas verdes e viceversa”.


A elección deste lugar fundaméntase no seu valor estratéxico por atoparse baixo a influencia dos dous océanos máis grandes do planeta, “o que ofrece unha visión global dos cambios climáticos no hemisferio sur, menos estudado que o norte”. Ademais, o Lago Hambre é unha “xoia” para os científicos ao mostrar unha grande sensibilidade aos cambios ambientais, tanto rexionais como globais, pola súa proximidade ao océanos Atlántico, “un dos grandes motores climáticos da Terra”, engade a investigadora”. Neste senso, a investigación explica en relación ao valor do traballo realizado como parte da súa tese de doutoramento que “o estudo dos sedimentos do lago é unha peza máis para coñecer o complexo comportamento climático e ambiental durante o Holoceno, nunha rexión clave para entender o clima terrestre”.
Marta Pérez recolle traballos previos de 2012 e 2013 no mesmo lago baixo a coordinación do catedrático Antonio Martínez Cortizas e centrados na acumulación de mercurio nos sedimentos. A nova achega profunda en aspectos climáticos como a insolación ou as chuvias e emprega unha metodoloxía novedosa desenvolvida polo grupo de investigación Ciencia do Sistema Terra, que permite analizar gran cantidade de datos e obter información precisa sobre os cambios climáticos ao longo do tempo.
A investigadora analizou indicadores de bioprodutividade do lago, algas unicelulares –f itoplacton-, “estreitamente relacionadas coas horas de luz e a intensidade do sol na zona. A novidade do traballo é a posibilidade de obter estes indicadores de xeito máis sinxelo mediante espectroscopía”. “É unha metodoloxía que pode proporcionar moita información da composición do material que se analiza e que o grupo está utilizando moito para traballar con mostras de turbeira, solos, ósos e madeiras, con distintos obxectivos en diversos proxectos de investigación” engade a investigadora, que ten tamén remarca que esta metodoloxía atraeu alumnado doutas universidades para coñecer a súa mecánica de funcionamento.

 


TAMBIÉN LE PUEDE INTERESARlineaazul 1600