Denuncian as consecuencias da moratoria trampa do eucalipto nas Brañas de Baxoi

Ecoloxistas en Acción denuncia as cortas a matarrasa na contorna das Brañas de Raxoi para replantar masivamente con eucaliptos.
A organización ecoloxista sinala que estas son as consecuencias da moratoria trampa do eucalipto decretada polo goberno da Xunta.
Resaltan que a suposta moratoria lonxe de frear as plantacións de eucalipto, agocha unha legalización e harmonización das plantacións ilegais desta especie invasora.

Ecoloxistas en Acción alerta que nas inmediacións das BRAÑAS DE BAXOI en Guitiriz realizouse unha corta a matarrasa de 20 hectáreas aproximadamente na que se tallaro pinos radiata, grandes bidueiros, carballos e tamén sanguiños, pereiras bravas e castaños na contornos da lagoa. Posteriormente a corta se plantaron centos de Eucaliptos globolus.

A braña de Baxoi está catalogada no Plan Xeral de Ordenación Municipal do Concello de Guitiriz como SOLO RÚSTICO DE ESPECIAL PROTECCIÓN DE ESPAZOS NATURAIS. A zona forma parte da Reserva da Biosfera Terras do Miño, (recollido no libro LIC PARGA-LADRA-TÁMOGA Terras de Pedra e Auga Miño, editado para REDE NATURA 2000/LIFE NATUREZA).

FEITOS:

Corta a matarrasa de 20 has.
Plantación de Eucalipto globolus na zona deforestada.
Sucedeu en época de cría. A zona ten varias especies de rapaces.
Afección ao humedal, unha turbeira grande

Ecoloxistas en Acción solicitou á Consellería de Medio Ambiente, Territorio e Vivenda que se levanten os eucaliptos plantados, alomenos 200 metros desde a beira da turbeira e que se proceda á correspondente sanción e a obligación de repoñer a parcela ao seu estado anterior.