Información
Galicia

Renden homenaxe ás corporacións democráticas represaliadas en 1936

Información
29 Julio 2016 2677 votos
1 1 1 1 1 1 1 1 1 1

Dous retratos de José López Bouza e Ánxel Casal, presidente e vicepresidente da Deputación da Coruña paseados no verán de 1936, presidiron o acto de homenaxe e lembranza dos membros das corporacións locais represaliadas despois do golpe militar de 1936 que se desenvolveu este xoves día 28 na sede institucional. O presidente Valentín Formoso, a vicepresidenta, Goretti Sanmartín e o neto de Alfredo Suárez Ferrín, alcalde da Coruña asasinado, Alfredo Suárez, defenderon a necesidade de recuperar a memoria como acto de xustiza coas vítimas da represión

.Cunha ofrenda floral diante das imaxes de José López Bouza e Ánxel Casal rematou o acto no que a Deputación da Coruña quixo homenaxear a alcaldes, membros das corporacións municipais e traballadores e traballadoras públicas nas entidades locais que padeceron a represión despois do golpe militar de 1936. Familiares das vítimas e un nutrido grupo de membros das corporacións municipais, entre os que se atopaban numerosos alcaldes e alcaldesas, participaron no acto que tiña como obxectivo contribuír á recuperación da memoria democrática dos concellos.

Cando se cumpren 80 anos do golpe do 36, o presidente da Deputación, Valentín González Formoso, subliñou na que a Deputación pretende "contribuír a recuperar a memoria e a dignidade dos milleiros de persoas que sufriron con dureza a represión franquista por defender a liberdade e a democracia no noso país" e cuxos nomes "intentaron ser borrados da historia durante máis de 40 anos".

Na súa intervención, Formoso repasou o nome dos alcaldes coruñeses que foron paseados ou executados ao inicio da Guerra Civil e lembrou especialmente a figura do ferrolán José López Bouza, presidente da Deputación en 1936, executado irregularmente o 30 de agosto dese ano no cemiterio de Canido.

Valentín González considerou "unha honra" suceder no cargo ao expresidente "exemplo de dignidade e defensa dos valores democráticos", cuxo retrato non foi incorporado á Galería de Presidentes do hemiciclo provincial ata o ano 2006, baixo a presidencia de Salvador Fernández Moreda.

"Hoxe é un día feliz porque, aínda que sexa simbolicamente, José López Bouza e Ánxel Casal volven a presidir un acto da Deputación da Coruña", afirmou González Formoso en referencia aos retratos de ambos políticos, presidente e vicepresidente da Deputación en 1936, que hoxe se atopaban ante mesa presidencial.

"É a nosa forma de expresarlles agradecemento, respecto e recoñecemento pola súa labor. A súa memoria e os ideais de liberdade e democracia que defenderon coa súa vida permanecen vivos entre nós e gozan, como vemos nesta sala, do recoñecemento do conxunto da sociedade coruñesa", afirmou o presidente provincial coruñés, que destacou que o acto de hoxe "non ten ánimo de desquite, máis si de xustiza, ao recoñecer o compromiso democrático de todas estas persoas para manter viva a chama da liberdade nos momentos máis escuros da nosa historia recente".

A metade do funcionariado da Deputación foi depurado

Pola súa parte, a vicepresidenta da Deputación, Goretti Sanmartín, defendeu a necesidade de "borrar o esquecemento" e recuperar a memoria polo que comezou citando os nomes dos alcaldes asasinados que estaban en exercicio do seu cargo en xullo de 1936 cando o levantamento militar que deu inicio á ditadura. Entre eles, Goretti Sanmartín citou ao alcalde de Mañón, Jesús Castaño Galdo, ao de Fisterra, Cipriano Fernandez, de Cedeira, Manuel Fernández, de Sada, Antonio Fernández, de Santiago, José Germán, de Betanzos, Tomás López, de Serantes, Alejandro Porto, de Mugardos, Juan Prieto, de Cabanas, Álvaro Puentes, de Monfero, Pablo Rico, de Fene, Ramón Souto, da Coruña, Alfredo Suárez Ferrín ou de Arzúa, Juan Manuel Vidal, unha listaxe á que sumou nomes como os de Ánxel Casal ou Xaime Quintanilla, que foran alcaldes de Santiago e Ferrol e formaban parte do goberno da Deputación ou Alfonso de Cal, anterior alcalde de Valdoviño e José María Novo, que ocupara o cargo en Betanzos. Sumo una súa intervención outras formas de represión como as que padeceron os alcaldes de Ares, Ferrol e Miño, Benito Feijóo, Antonio Santamaría e Rogelio Pérez Medín que fuxiron a Francia no bou Ramón e na lancha Golondrina.

En canto aos representantes da Deputación, Goretti Sanmartín lembrou tamén presidentes anteriores a López Bouza como Alfredo Somoza, que conseguiu exiliarse despois de vivir once anos oculto ou Manuel Insua que padeceu prisión. Sinalou tamén con respecto á historia da institución da que é vicepresidenta que a "depuración do seu cadro de persoal foi estarrecedora. No prazo de dous anos e medio, o 50% do funcionariado provincial foi destituído por ser considerado sospeitosos".

"Para botar luz, para recuperar a memoria e homenaxear a aquelas persoas a que lle debemos a existencia hoxe de institucións democráticas, desde a Deputación da Coruña queremos lembrar con este acto non só os seus nomes senón tamén a obriga dos gobernos de recuperar a súa propia historia e vencer o silencio imposto durante tanto tempo", sinalou Goretti Sanmartín ao tempo que anunciou a elaboración dunha investigación que complete unha listaxe rigorosa de cargos municipais represaliados despois de 1936. "Queremos facer xustiza porque só así podemos garantir a dignidade das institucións par ao noso futuro. Cumprimos, pois, a obriga de nomear e facémolo co orgullo de contribuír a pagar a débeda que a sociedade ten coas vítimas", sinalou.

Agradeceu tamén o labor desenvolvido polo movemento asociativo e o compromiso de historiadores e historiadoras á hora de descubrir, "que no noso país non houbo guerra senón unha represión brutal que nos descabezou e decapitou as ideas máis avanzadas, as biografías máis modernas, as persoas máis implicadas na creación dun mundo mellor e máis igualitario".

O acto desenvolveuse na véspera do pleno en que se aprobará, co apoio de todos os grupos con representación, a declaración institucional para proceder a retirar as honras a Francisco Franco que deixará de ser Fillo Predilecto da provincia da Coruña e presidente de honra da Deputación. "Ninguén pode manter títulos honoríficos ao autor da máis dura das represións que coñece a nosa historia", afirmou Goretti Sanmartín.

O neto de Suárez Ferrín: "Para pedoar, o que agrede ten que pedir perdón"

"Uns, terminada a contenda chamada cruzada, foron recoñecidos como mártires e tiveron honras e prebendas e, dos outros, dos nosos, non se podía falar e se alguén falaba dun asasinado sempre lle dicían que algo malo tería que ter feito", afirmou na súa intervención Alfredo Suárez o neto do alcalde da Coruña asasinado, Alfredo Suárez Ferrín. "Esquecer nunca e perdoar é tan difícil... Para perdoar o que agrede ten que pedir perdón e ninguén o fixo nos corenta anos de ditadura", sinalou, como voz dos familiares presentes no acto.

Lembrou Alfredo Suárez o medo que padeceron as familias e denunciou que, nove anos despois da aprobación da Lei da Memoria continúa a haber "asasinados nas cunetas e nos montes e só nos dediquemos a cambiar nomes de rúas".

Lamentou que continúe sen ser anulada a sentenza que condenou o seu avó, Alfredo Suárez Ferrín, porque, segundo dixo "parece ser que a lei non o permite" a pesares de ser emitida por "militares que estaban fóra da lei". Alfredo Suárez rematou a súa intervención cunha lembranza "a todos os que non están" máis o desexo " a todos de que non perdades a memoria", dixo, dirixíndose ao público que participou, a seguir, na ofrenda floral coa última das intervencións de 2naFrontera, un grupo que recupera a memoria a través da música.

O presidente e o vicepresidente da Deputación da Coruña, José López Bouza e Ánxel Casal, foron paseados no verán de 1936. Canda eles, alcaldes, membros da corporación e traballadores e traballadoras dos concellos padeceron a represión despois do golpe militar que impuxo unha ditadura de catro décadas. A Deputación da Coruña réndelles homenaxe cun acto institucional que terá lugar este xoves, 28 de xullo ás 12.00 horas.
Representantes municipais dos concellos da Coruña, corporación da Deputación e familiares serán parte do grupo de asistentes que participarán no acto de homenaxe que este xoves tributará a Deputación da Coruña aos cargos institucionais represaliados despois do golpe militar de 1936.
No acto, ademais do presidente da Deputación, Valentín González Formoso, e a vicepresidenta, Goretti Sanmartín, intervirá un neto do alcalde da Coruña, Alfredo Suárez Ferrín –asasinado en 1936- e contará cunha interpretación musical.
O acto terá lugar a véspera de que o pleno da Deputación aproba a declaración institucional que retirará as distincións a Francisco Franco e insírese dentro da liña de recuperación da memoria histórica que defende o goberno provincial.

Puedes seguir este artículo en; @cayetanaAT @FeijooGalicia @_MartaGonzalez_ #secretariademedios @pp @ppdeg #ppdegalicia @xunta #xunta #retegal #amtega #eleccionesxunta @IdiazAyuso @idiazayuso2019 #retegal #amtega #bng #psdeg #enmarea #ciudadanos #feijoogalicia #galiciafeijoo @TurismoGalicia @Turgalicia @TurismoGalicia1) @turismoriasbaixas @PresumeDGalicia
@ppdegalicia #turismogalicia #costadamorte #xunta #xuntadegalicia #pp #ppdeg #ppdegalicia #riasbaixas #riasaltas #costadamorte #islascies #ascatedrais #ribeirasacra #ribeirasacra #vigo #lavozdegalicia #lacozdegalicia #mermeleros #cloacasperiodismo #TEM_RistoMejide #RistoMejide #TEM #FeijóoConVox #GaliciaSuma #EspañaSuma #EvoMorales #Bolibia #galiciafeijoo #feijoogalicia #turismogalicia #FeijóoConVox.

Otros articulos relacionados.....