O TSXG confirma a condena de dous anos e medio de cárcere un mariscador que deixou sen visión dun ollo á secretaria da Confraría da Pobra

Información
Galicia 07 Enero 2020 1551 votos - Registrate para votar

A Sala do Civil e Penal do Tribunal Superior de Xustiza de Galicia (TSXG) rexeitou o recurso de apelación interposto polo mariscador condenado a dous anos e medio de cárcere por agredir á secretaria, ao vixiante e ao biólogo da Confraría de Pescadores da Pobra do Caramiñal. A puñada que lle propinou no ollo dereito á secretaria provocoulle a perda de visión. O acusado, segundo a sentenza, presentouse “alterado” en xuño de 2016 nas oficinas da entidade debido a unha sanción administrativa de 500 euros que lle impoñían e agrediu ás vítimas. Os maxistrados indican na sentenza que “non existe proba que acredite a suposta inimizade das testemuñas cara ao acusado”, á vez que salientan que “non pode prevalecer a versión do acusado, que se limita a negar que fose o autor da puñada”. 

 

 

“Non advertimos que se incorrese en erro na valoración da proba, nin que se vulnerase o principio de presunción de inocencia, que, como é sabido, dá dereito a non ser condenado sen proba de cargo válida, que neste caso concorre e foi racional, obxectiva e minuciosamente valorada, de acordo coas máximas de experiencia e regras da lóxica”, recalcan os maxistrados do TSXG.

Nos gustaría recibir tus propuestas
denuncias y comentarios.. ?

Envíanos tus comentarios..!


TAMBIÉN LE PUEDE INTERESARlineaazul 1600