Información
Galicia

O persoal de SEAGA exixe en Compostela que se publique o novo decreto de listas que pone en risco máis de 500 brigadistas

Información
25 Abril 2019 381 votos
1 1 1 1 1 1 1 1 1 1

Traballadoras e traballadores de SEAGA percorren esta mañá, baixo unha intensa chuvia, as rúas de Compostela para exixir a Medio Rural o cumprimento do compromiso de publicar o decreto de listas que permita que a experiencia, de máis de 12 anos, deste persoal compute para poder seguir traballando en prevención e extinción de incendios. “Do contrario farémolos responsábeis do despedimento de máis de 500 traballadores e traballadoras e actuaremos en consecuencia”, advertiron.

SALVADOS - Alberto Núñez Feijóo: "Galicia no arde, a Galicia la queman" | LA SEXTA TV

 

Alberto Núñez Feijóo: "Galicia no arde, a Galicia la queman"

El presidente de la Xunta de Galicia, Alberto Núñez Feijóo, denuncia en Salvados el "terrorismo incendiario" que ha sufrido y sigue padeciendo la comunidad. Un término que no comparte el fiscal de Medio Ambiente de Galicia, Álvaro García Ortiz. "No hay ninguna condena por terrorismo incendiario en Galicia", explica el fiscal.

https://www.lasexta.com/programas/salvados/mejores-momentos/alberto-nunez-feijoo-galicia-no-arde-a-galicia-la-queman_201803045a9c56890cf2552830cdc133.html

A manifestación, que rematou diante do edificio administrativo da Xunta de Galiza en San Caetano, concluíu coa lectura dun manifesto, por parte dos presidentes dos comités, no que lembraron que SEAGA é unha sociedade mercantil pública dependente da consellaría de Medio Rural que, desde 2007, hai máis de 12 anos, traballa na extinción dos lumes como medio propio da consellaría e do PLADIGA.

Precariedade laboral

Xunto a isto subliñaron tamén que na extinción de incendios traballaban os servizos propios da Xunta e empresas públicas como SEAGA ou TRAGSA e privadas como Natutecnia e as brigadas dos concellos. “Realizabamos o mesmo traballo pero non cobramos o mesmo e, nin tan sequera temos un convenio colectivo. Rexémonos polo Estatuto dos traballadores. Máis de 12 anos nunha precariedade laboral, traballando 3 meses ao ano, nunha profesión como a de bombeiros forestais, arriscando as nosas vidas para defender o patrimonio de todas e todos os galegos”, denunciaron.

Os comités de SEAGA levan anos reclamando un Servizo de Extinción único, público e de calidade e unha planificación e unha política forestal que non estea baseada no monocultivo do eucalipto e no abandono total do monte.

Sen modificar o decreto

Porén, hai un ano, tal e como sinalaron no manifesto, Medio Rural anunciou a retirada da encomenda da extinción de lumes a SEAGA e a creación de 500 prazas a través da cobertura por listas da Xunta. “A CIG mobilizouse entón contra esta decisión, pois o decreto que estaba en vigor puntuaba  o tempo traballado en SEAGA, recoñecendo só a experiencia na Xunta e nos concellos, o que supoñía que quedabamos fóra da cobertura de prazas”, denunciaron.

Lembraron que foron numerosas as concentracións, manifestacións, e mesmo a convocatoria dunha folga, coas que reclamaron a modificación do decreto para puntuar o tempo traballado en SEAGA, como ente instrumental da Xunta.

Por iso denunciaron a “improvisación” e a “total descoordinación” da consellaría, que ten a día de hoxe ese decreto sen publicar. “Os comités de empresa, con maioría absoluta da CIG, seguimos reivindicando que os traballadores e traballadoras de SEAGA poidamos acceder en igualdade de condicións a estas prazas de reforzo para o servizo e poidamos pór a nosa experiencia e profesionalidade ao servizo da cidadanía galega”, afirmaron.

Apoio a un servizo único pero en contra dun ERE encuberto

Con todo, manifestaron o apoio aos pasos que se van dando cara un servizo único e público mais matizaron que se ten que ter en conta que as brigadas de SEAGA “teñen que estar dentro deste servizo pois o capital humano ten demostrada a súa experiencia, a súa valía e o seu compromiso”.

O que xa adiantaron que non van permitir é que a Xunta e o Partido Popular “fagan un ERE pola porta de atrás e deixen na rúa a máis de 500 traballadores/as porque iso é o que vai suceder se non se puntúa o tempo traballado en SEAGA”, advertiron.

Por iso lembraron ao conselleiro de Medio Rural que ten unha promesa cos traballadores e traballadores desta empresa pública “que non é outro que publicar o Decreto e que vamos a facer que se cumpra, porque do contrario farémolo responsábel do despedimento de máis de 5500 traballadores e traballadoras dunha empresa pública e actuaremos en consecuencia”, concluíron.

 
Otros articulos relacionados.....