A MESA INTERSINDICAL DE BOMBEIROS DE GALICIA DENUNCIA A

FALTA DE EFICIENCIA ECONÓMICA QUE MANIFESTA O CONSORCIO

PROVINCIAL DE OURENSE PARA A PRESTACIÓN DO SERVIZO

CONTRA INCENDIOS E SALVAMENTO

(25052016)

Un dos motivos cos que a Administración sempre tenta xustificar a externalización dos

Servizos de Extinción de Incendios e Salvamento de ámbito comarcal, é a suposta

vantaxe económica que representa este sistema de prestación do servizo para as

arcas públicas. Dende a Mesa Intersindical de Bombeiros de Galicia, sempre se

defendemos que isto é totalmente contrario á realidade. De feito, parece que ao igual

que acontece coa recuperación de outros servizos públicos, algunhas administracións

estanse a percatar do aforro que supón a xestión directa.

Agora o Consorcio Provincial de Ourense para a prestación do Servizo Contra

Incendios e Salvamento ven de darlle unha volta máis ó concepto de “eficiencia

económica” na administración dos cartos públicos, creando unha estrutura

políticoburocrática

inédita no Estado español.

Os Consorcios, aínda cando o servizo que prestan o fagan mediante xestión indirecta

(isto é: poñendo a responsabilidade das emerxencias en mans de empresas privadas),

teñen os órganos de goberno propios de calquera organismo público. Hai un

presidente, un pleno que integran as administracións consorciadas (no caso que nos

ocupa, Xunta de Galicia e Deputación de Ourense), así como unha estrutura

burocrática (secretario, interventor…). Ademais é habitual que se cree unha praza de

xerencia que ten basicamente a función de velar polo cumprimento das condicións

acordadas entre a administración e a empresa concesionaria. Ata aquí poderíamos

dicir que todo normal. Pero no Consorcio Provincial de Ourense para a prestación do

Servizo Contra Incendios e Salvamento, esta estrutura políticoburocrática

coas súas

dedicacións, dietas por asistencia a plenos e gastos varios, parécelles pouca cousa

para atender catro parques de bombeiros (Valdeorras, Verín, Xinzo de Limia e

Carballiño). O Consorcio desta provincia, un dos máis pequenos en número de

parques e efectivos de España, conta dende o primeiro día do mes de maio cunha

figura inédita e innecesaria. Falamos do posto de vicexerente .

O sistema de acceso a esta praza é bastante curioso xa que o candidato elixido non

tivo que superar ningún proceso selectivo. Convén saber, que a persoa que encarna

dito cargo, ata agora era xerente dos Consorcios de Verín e a Limia, resultando tamén

ser o alcalde popular do Concello de Laza, e que no seu día foi nomeado como

“persoal eventual de confianza e asesoramento especial” e que segundo parece, obtén

a condición de persoal indefinido por sentenza (non firme) dun Tribunal do Social.

Convén saber que a designación “dixital” de xerentes (ou vicexerentes) contravén a

xurisprudencia do Tribunal Supremo que esixe que unha praza de tales características

sexa cuberta atendendo ós consabidos principios de igualdade, capacidade e mérito

consagrados no noso ordenamento xurídico. Tal extremo era coñecido pola Xunta de

Galicia e a Deputación Provincial de Ourense dende o momento en que en xaneiro de

2015 un bombeiro de Verín presentou alegacións ós estatutos do Consorcio.

É a partir deste momento cando se produce unha denuncia no ámbito laboral por

parte do xerente comarcal de Verín e a Limia, alcalde de Laza, que remata cunha

sentenza non

recorrida polo Consorciona

que se obriga á readmisión ou

indemnización de quen, recordemos, foi nomeado a dedo.

Contra toda lóxica tanto Xunta de Galicia como Deputación Provincial de Ourense,

acordaron a readmisión do denunciante creando a primeira vicexerencia que se

coñece en todos os Consorcios de Bombeiros de España. Trátase dun posto que non

ten definida ningunha función nos estatutos pero que si ten definido un salario bruto

por enriba dos 45.000€/ano (segundo parece, algo superior ó do propio xerente). A

maiores leva aparellado outra serie de gastos en vehículos oficiais, dietas...

Coidamos que non existe argumento técnico nin económico que poida avalar o

mantemento dunha praza que se podería amortizar economicamente en menos de

dous exercicios (debido ao importe que suporía a indemnización) sendo a decisión de

readmisión arbitraria e contraria ós intereses do común. Os únicos argumentos que se

nos ocorren para este despropósito son de conveniencia política, e eses débeos pagar

cada partido do seu peto e non todos os cidadáns Consorcio Provincial de Extinción de

Incendios e Salvamento da Provincia de Ourense cos seus impostos.

¡Despilfarro, nocturnidade e aleivosía dos que presumen de eficiencia e transparencia

na xestión! Estas son as cartas de presentación do novo Consorcio Provincial de

Ourense para a prestación do Servizo Contra Incendios e Salvamento.