Información
Agenda de Galicia

O ENTERRO DO KIKO NO RENOVADO TORREIRO DE PARADA PECHA O ENTROIDO DE NIGRÁN ESTE SÁBADO

Información
Localidades de Galicia 15 Marzo 2019 583 votos
1 1 1 1 1 1 1 1 1 1

EnterroKiko2018O boneco será trasportado por un carro de bois dende o Concello ata o novo Torreiro de Parada, onde se realizará o velorio e a queima e posterior verbena

O Concello consolida así esta celebraciónde gran arraigo na parroquia de Parada e que, por cuarto ano consecutivo, arranca dende a Casa do Concello

 

Nigrán, 15/03/19.- O Concello de Nigrán pecha este sábado 16 de marzo co 'Enterro do Kiko de Parada' a programación do Entroido deste ano. O kiko, que permanece exposto na entrada do Auditorio Municipal , será trasladado ás 18:30 horas por un carro de bois e unha amplo cortexo fúnebre ata a parroquia de Parada, onde se celebrará o velorio e a posterior queima no recén renovado torreiro. O Concello consolida deste xeito unha celebración con gran arraigo na parroquia e que hai catro anos se decidiu potenciar co percorrido dende o Concello ata a rúa Telleira grazas á colaboración do Centro Cultural e Recreativo Parada do Miñor, os promotores desta tradición.

Os actos comezarán coa actuación da charanga 'Vaite xa' dende as 17:30 horas polo centro de Nigrán, chegada do carro de bois e bendición do kiko ás 18:00 horas e saída do cortexo fúnebre dende a Praza do Concello ás 18:30 horas cara Parada (unha parella de bois levará ao kiko e diferentes comparsas e unha charanga o acompañarán ata a rúa Telleira para retomar a procesión en Parada). A previsión é que chegue ao Torreiro de Parada ás 19:00 horas coa comparsa Parada Espanta para velalo e, a continuación, ás 20:30 horas, o cortexo fúnebre trasladará ao kiko para a lectura do pregón e a súa queima ás 21:30 horas. A partir das 22:00 horas haberá unha gran verbena popular a cargo do grupo 'Trío Azar' e dende a medianoite os Djs Toni&Yogüi.

Esta peculiar celebración naceu en Parada da man do Centro Cultural e Recreativo Parada do Miñor como alternativa ao Enterro da Sardiña, xa que a parroquia non ten mar pero sí presume de múltiples galiñeiros con “kikos” (ata o punto de que é a figura que representa á entidade). Ao longo de preto dunha década de vida foi adquirindo sona na localidade e, o que comezou como unha festa entre veciños, é hoxe en día unha gran festa que vai máis alá do interese local.

Otros articulos relacionados.....