Información
Agenda de Galicia

Intenso calendario de actuacións para esixirlle ao PPdeG solucións inmediatas para a industria electrointensiva

Información
Localidades de Galicia 03 Febrero 2019 289 votos
1 1 1 1 1 1 1 1 1 1

A CIG compareceu este venres en rolda de prensa para esixir dos Gobernos medidas inmediatas para reverter a grave crise industrial que atravesa o sector electrointensivo e evitar o peche de empresas e a destrución do postos de traballo. A central lanzou un chamamento a continuar na loita nos centros de traballo e nas rúas e deu a coñecer as iniciativas que ten previsto desenvolver nas vindeiras semanas.

 

Non podemos quedar de brazos cruzados, porque despois de Alcoa poden ser os empregos doutras electrointensivas as que corran a mesma sorte"

 "Non podemos quedar de brazos cruzados, porque despois de Alcoa poden ser os postos de traballo doutras empresas electrointensivas as que corran a mesma sorte", aseverou o secretario xeral da CIG, Paulo Carril durante a comparecencia na que tamén participaron o secretario nacional da CIG-Industria, Xoán Xosé Bouzas, e os delegados da CIG en Ferroatlántica Cee-Dumbría-CCHH, Ferroatlántica Sabón, Alcoa A Coruña, Alcoa San Cibrao e Celsa Atlantic, que previamente mantiveron unha xuntanza para avaliar a situación do sector e as iniciativas a realizar.

A mobilización e a loita, o único camiño

A CIG entende que hai que continuar na loita "porque este é o único camiño para garantir que se adopten as políticas públicas necesarias para defender o interese xeral" e lanzou un chamado a CCOO e UGT para buscar puntos de encontro nas propostas reivindicativas e concretar un calendario de mobilizacións a levar a diante "de inmediato", incluíndo a convocatoria de xornadas de folga na industria electrointensiva.

Neste senso, Carril alertou que a urxencia nas actuacións segue a estar condicionada pola contra atrás para evitar a execución dos despedimentos na fábrica de Alcoa A Coruña, que remata o 1 de xullo. Por iso, a CIG vai desenvolver unha concentración o próximo 14 de febreiro, diante da Delegación dos Goberno, coincidindo coa entrega, unha vez máis, da proposta que a central sindical ten elaborada para a creación dunha tarifa industrial estábel, predicíbel e que recoñeza o estatuto específico da industria electrointensiva.

Esta proposta xa fora remitida aos Gobernos galego e español e á patronal do sector o pasado mes de outubro "e agora volverémoslla remitir ao Ministerio de Industria no marco do período que ten aberto facer achegas ao estatuto de consumidores electrointensivos recollido no RD20/2018", matizou.

De igual xeito, a CIG vai levar adiante un calendario de mobilizacións -con carácter mensual- nas diferentes fábricas afectadas, comezando cunha concentración o 1 de marzo na fábrica de Ferrotlántica de Cee, ás 12:00 horas. Para o 10 de marzo, no marco das mobilizacións que a CIG convoca cada ano para conmemorar o Día da Clase Obreira Galega, daráselle singularidade e especial relevancia ás demandas do sector naquelas comarcas afectadas por esta problemática (nomeadamente A Coruña, Lugo-A Mariña e Ferrol).

Mocións nos Concellos e asemblea nacional de delegados/as

Así mesmo, nas próximas semanas presentaranse mocións para debater a proposta da CIG para a creación da tarifa industrial en todos aqueles concellos nos que hai instaladas empresas con grandes consumos enerxéticos. Xa no mes de abril, a CIG vai celebrar unha asemblea nacional de delegados e delegadas do sector industrial en Santiago de Compostela, ao remate da que haberá unha manifestación.

"Toda urxencia é pouca para atopar unha solución que temos claro que esixe dun marco estábel para a industria electrointensiva, pero tamén de accións do Goberno español", subliñou Carril, quen valorou que, conforme a proposta da CIG, é posíbel ir efectivizando de inmediato estas medidas a través dos Orzamentos Xerais do Estado para 2019, en paralelo á regulación completa dun novo marco enerxético, que debería estar definido nun prazo máximo de 4 meses.

No marco desas medidas urxentes, demandou do Goberno español que, de ser preciso, asuma transitoriamente, a través da SEPI, o control das fábricas, atendendo a que Alcoa Inespal naceu no sector público e tendo presente o caso da planta de aluminio pechada por Alcoa en Italia, "hoxe aberta mediante a intervención do Estado".

Mesa de traballo sen exclusións e transparente

Dende a CIG destacouse tamén a necesidade de crear unha mesa de traballo onde estean presentes todos os sectores afectados, sen exclusións e transparente, para desenvolver o estatuto da industria electrointensiva. Carril cualificou de "escandaloso e lamentábel" o papel xogado polo Ministerio de Industria e a Xunta de Galiza durante o conflito de Alcoa, especialmente dende o 8 de xaneiro, "cando asumiron o plan de peche formulado pola multinacional".

Nesta liña, lembrou que a pesar dos reiterados chamamentos que a CIG fixo ao Goberno español, á ministra de Transición Enerxética, "escandalosamente desaparecida neste asunto vital", e á Xunta para crear unha mesa de traballo con todas as partes implicadas, non houbo resposta neste sentido.

É máis, denunciou, a mesa industrial nacida durante o conflito de Alcoa, "que naceu mal, funcionou peor e acabou en desastre", foi excluínte xa que non se convidou nin a todos os sindicatos máis representativos -a CIG non puido participar-, nin á representación do comités de empresa. E nin sequera a Xunta do PP atendeu á declaración institucional aprobada no Parlamento galego o 24 de outubro en apoio ao persoal de Alcoa e que reflectía a necesidade de crear unha mesa de traballo "para que o Goberno galego fose a Madrid cunha postura galega consensuada e non co exclusivo programa do PP".

A este respecto, Carril subliñou o rechamante que resulta que fora o comisario europeo de Enerxía, Miguel Arias Cañete, quen amosara máis receptividade, non atopando ningún punto na proposta contrario á normativa europea e da competencia. "Nós temos propostas e alternativas e se hai quen as teña que as poña na mesa, porque até o de agora non coñecementos outras iniciativas e se as hai é unha grave irresponsabilidade que non sexan postas en común", aseverou

O sector enerxético ten un valor estratéxico

Durante a comparecencia á prensa, púxose o acento na valor estratéxico que para Galiza ten o sector enerxético, tanto polo que representa no PIB como por ser factor relevante na produción industrial. Porén, Galiza non ten capacidade para deseñar e aplicar unha estratexia enerxética propia, senón que "desempeñamos exclusivamente un papel subministrador para o resto do Estado", espoliándose os nosos recursos sen que revertan no desenvolvemento económico e social do país.

Son urxentes e necesarias políticas públicas que salvagarden que a enerxía é un servizo público, un ben básico, e non un ben de consumo calquera, e que permitan frear os aumentos constantes do prezo da electricidade"

Neste contexto, resulta difícil de comprender a negativa da Xunta do PP a adoptar iniciativas neste eido e mesmo a considerar aquelas propostas que se lle presentan, como a ILP para unha tarifa eléctrica que no seu día a CIG levou ao Parlamento e que sendo admitida, o PP baleirou de contido na súa tramitación. "Son urxentes e necesarias políticas públicas que salvagarden que a enerxía é un servizo público, un ben básico, e non un ben de consumo calquera, e que permitan frear os aumentos constantes do prezo da electricidade, impostos polo réxime de oligopolio que controlan as empresas eléctricas", afirmou Carril.

A poxa da interrumpibilidade é "unha ruleta rusa"

Dende a CIG salientouse tamén que as reformas no sector eléctrico aprobadas polo Goberno do PP en 2013, provocaron que os empregos na industrias electrointensiva estean en permanente risco. Nomeadamente referiuse á implantación da poxa de interrompibilidade (inicialmente con carácter anual e despois semestral) que definiu como unha sorte de "ruleta rusa" que fomenta a competencia desleal entre empresas do mesmo sector produtivo, outorgando prezos da electricidade moi dispares e cuxas consecuencias máis dramáticas vémolas no ERE de Alcoa e no apagado dos fornos de Ferroatlántica en Cee e Sabón.  

Criticou que o Goberno do PSOE non só mantivo este sistema de poxas semestrais, "con nefastas consecuencias", senón que aprobou en decembro o Real Decreto 20/2018 "que non é máis que unha simple declaración de intencións, con medidas insuficientes e de moi lenta aplicación, que demostran improvisación, incompetencia e incapacidade para pór freo á gravísima crise industrial no noso país".

Otros articulos relacionados.....
23 Abr 2019 09:01

Un año más el Club Waterpolo Pontevedra luchará por el título...

Agenda de Galicia
20 Abr 2019 11:59

A cita terá lugar no pavillón do IES Río Miño este xoves,...

Agenda de Galicia
19 Abr 2019 11:30

Más de una veintena de barcos se disputarán el Trofeo Comunica...

Agenda de Galicia
19 Abr 2019 10:19

 

El Real Club Deportivo emitirá este domingo, por...

Agenda de Galicia

caion laracha evaristo alcalde hermanoscalatrava


La Plataforma en Defensa del Sector Marítimo Pesquero de Galicia ha interpuesto a través de un prestigioso gabinete de bogados especializados en asuntos de la administración pública, querella criminal contra el Alcalde de Laracha y subsiadiariamente contra todo su grupo de gobierno en el Concello de A Laracha y Evaristo Lareo Viñas en su condición de Presidente del GAC3 sito en Buño, por haber cometido presuntamente varios delitos penales a lo largo de los últimos diez años entre los más graves, de prevaricación, electorales, medio ambiente, contra el territorio, etc, en la misma constan hechos de verdadera "TRACA CARNAVALESCA" en la que se acredita como Evaristo Lareo Viñas compra con fondos europeos un monocular térmico de visión nocturna por 3.626, 37 euros, para tener bajo control presuntamente un Solar de 15 mil metros cuadrados que recalificó en conveniencia con el Alcalde Popular para acometer un

lineaazul 1600

Estrenos de Cine y Televisión

Siguenos en  -        -  -   Contacte (+) -  feedimagePublicidad +  -  Legal Proteccion de Datos UE.(+)