Buscar
- 
Publicidad + 
Publícase en galego unha disertación con perspectiva contemporánea baseada nun escrito budista do século XIII sobre a budeidade na vida cotián
Co gallo da celebración este 17 de maio do Día das Letras Galegas, a editorial de pensamento budista Ediciones Civilización Global, ten o pracer de presentar a versión en lingua galega da obra El logro de la budeidad en esta existencia, un traballo do escritor xaponés, filósofo e activista pola paz Daisaku Ikeda.
Disertacións sobre o atinximento da budeidade nesta existencia, título da versión en galego da citada obra, explora un importante escrito do monxe xaponés do século XIII, Nichiren Daishonin, dende unha perspectiva actual.
A fondura do seu ensino sobre o concepto de “acadar a budeidade” nesta existencia supuxo un fito revolucionario nas correntes filosóficas da época apuntando cara ao empoderamento individual como orixe do empoderamento colectivo, un enfoque capaz de modificar radicalmente o pensamento budista do século XIII e chegar ata os nosos días con toda a vixencia e a forza para transformar vigorosamente a época actual e abrir un futuro cheo de esperanza neste século XXI.
Ikeda, o seu autor, baseou a súa vida no poder do diálogo, mantendo encontros con personalidades e académicos das máis diversas latitudes para conversar sobre temas cruciais de importancia para a humanidade. Máis de oitenta deses diálogos foron publicados en forma de libro.
Disertacións sobre o atinximento da budeidade nesta existencia vén contribuír á publicación de libros en lingua galega coa filosofía budista como temática principal. Nesta ocasión, a edición galega contou coa tradución de Inés Vázquez.
