Información
Agenda de Galicia

Campionato Galego de tenis praia, esta fin de semana en Samil, cunha exhibición ante xogadores do Vigobao

Información
Localidades de Galicia 25 Agosto 2019 239 votos
1 1 1 1 1 1 1 1 1 1

As instalacións de Vigoarena, na praia de Samil, albergarán dende este sábado (10:30 horas) ao domingo polo serán a decimosegunda edición do Campionato de Galicia de tenis praia, unha modalidade estival que está a gañar adeptos.

O alcalde de Vigo, Abel Caballero, promocionouno no propio areal vigués cunha improvisada partida sobre unha das catro pistas instaladas para o evento, primeiro facendo parella con Olalla Fernández fronte a Diego Negreira e Begoña Montenegro, números 1, respectivamente, do ránking galego masculino e feminino, e despois facendo un inusual tres contra tres ante Ignacio Garrido (número 3), Olalla Fernández (nº2) e o presidente da Federación Galega de Tenis, José Mosquera. 

O evento conta con 29 parellas inscritas, un récord de participación respecto de calquera edición pasada, e o 80% do Top Ten do ránking galego xogará en Samil. Duplícase, ademais, o número de parellas que competiu en Pontevedra en 2018.



Aos títulos das categorías de dobres masculina e feminina súmase a de dobres mixta como campionato oficial por vez primeira. O evento celébrase nas instalacións do programa municipal Verándeportivo, que colabora con este Campionato de Galicia e xa leva unha ducia de anos promocionando o tenis praia co Trofeo Cidade de Vigo.

O rexedor, que departiu cos xogadores e federativos, vestiuse a camisola do Vigobao, club de tenis praia local, e animou a que o público se achegue a Samil para presenciar un gran espectáculo. As parellas vencedoras masculina e feminina terán billete para o vindeiro Campionato de España, en 2020.

As actuais campioas de Galicia, Begoña Montenegro e Rita Pena, son de Vigo -aínda que nesta edición xogarán con outras parellas), así como os subcampións masculinos, Diego Negreira e Guillermo Arbuniés.

Este verán a Federación Galega de Tenis creou o Circuíto Galego (seis probas de xullo a agosto máis este Campionato de Galicia), que se iniciou precisamente en Samil e que rematará con esta competición no mesmo escenario.

Puedes seguir este artículo en; @cayetanaAT @FeijooGalicia @_MartaGonzalez_ #secretariademedios @pp @ppdeg #ppdegalicia @xunta #xunta #retegal #amtega #eleccionesxunta @IdiazAyuso @idiazayuso2019 #retegal #amtega #bng #psdeg #enmarea #ciudadanos #feijoogalicia #galiciafeijoo @TurismoGalicia @Turgalicia @TurismoGalicia1) @turismoriasbaixas @PresumeDGalicia
@ppdegalicia #turismogalicia #costadamorte #xunta #xuntadegalicia #pp #ppdeg #ppdegalicia #riasbaixas #riasaltas #costadamorte #islascies #ascatedrais #ribeirasacra #ribeirasacra #vigo #lavozdegalicia #lacozdegalicia #mermeleros #cloacasperiodismo #TEM_RistoMejide #RistoMejide #TEM #FeijóoConVox #GaliciaSuma #EspañaSuma #EvoMorales #Bolibia #galiciafeijoo #feijoogalicia #turismogalicia #FeijóoConVox.

Otros articulos relacionados.....