Información
Agenda de Galicia

O memorial Miguel Ángel González reúne esta fin de semana a 300 baloncestistas infantís de 22 equipos

Información
Localidades de Galicia 13 Abril 2019 369 votos
1 1 1 1 1 1 1 1 1 1
Coa primeira fin de semana do período de Semana Santa chega a Vilagarcía o primeiro evento deportivo habitual nestas datas. Trátase do XVI Memorial Miguel Ángel González Estévez de baloncesto organizado polo CLB en colaboración coa Fundación Municipal de Deportes. Vinte e dous equipos infantís femininos e masculinos de Galicia, Valladolid e Portugal competirán no torneo e que se desenvolverá ata o domingo ás 14.30 horas nas instalacións de Fexdega. A novidade deste ano é a incorporación do Breogán masculino.
10.04.2019.- Vilagarcía recibirá a partir do venres 12 de abril a un total de 300 baloncestistas de ambos sexos e das categorías infantís que virán á cidade acompañados dos delegados e adestradores dos clubs, así como de familiares. A competición organizarase con catro grupos (dous masculinos e dous femininos) que disputarán un total de 64 partidos nas tres pistas homologadas para as competicións oficiais segundo a normativa da Federación de Baloncesto.

A comitiva completarase cos 48 membros do equipo arbitral que pitarán os partidos e actuarán como membros de mesa. O Memorial Miguel Ángel González está integrado nas Xornadas Arbitrais da federación galega de Baloncesto, polo que a actuacións dos árbitros e membros de mesa será avaliada polos xuíces federativos para decidir o ascenso nas categorías arbitrais.

A maiores, a organización aporta cerca de 100 persoas máis (directivos e técnicos do CLB, familias dos xogadores vilagarciáns e voluntarios) que se encargan de todo o operativo de recibimento, aloxamento, manutención e traslados dos equipos, así como da propia celebración do torneo.
Polas experiencias anteriores, os organizadores do Memorial calculan que a afluencia de público a Fexdega sexa dunhas 1.200 persoas en cada unha das tres xornadas.
Otros articulos relacionados.....

Que teñen preguiza. Nunca quixeron traballar:  Denuncia; Envíanos los datos a holgazan@acciónytransparenciapublica.com     mais sobre preguiza..+