O conselleiro de Sanidade, Julio García Comesaña, durante a súa intervención parlamentaria anunciou que a Consellería de Sanidade destinará 60 millóns en 2024 á creación de novas prazas en Atención Primaria, das que 200 serán de persoal medico.

1.- Segundo datos do Ministerio de Sanidade o persoal medico de Atención Primaria que traballa en Galicia e 2.768, polo que o incremento e de tan só un 7%, a pesar das grandes necesidades da poboación para acceder aos Centros de Saúde tralos recortes dos últimos anos.

2.- Doutra banda 433 médicos/as de Atención Primaria superarán a idade de xubilación en 2023, o que supoñen mais do dobre das novas prazas. É dicir, se non hai un cambio estratéxico na política de persoal da Xunta, seguirán as reducións de persoal facultativo neste nivel asistencial.

3.- Os 60 millóns destinados polo SERGAS para contratar mais persoal de todas as categorías representa tan so 1,1% do orzamento sanitario.

4.- En conclusión a Xunta non ten ningunha vontade de solucionar as graves deficiencias da Atención Primaria Galega e continua coa súa estratexia de confusión e fake news 

Asociación Galega para a Defensa da Sanidade Pública