Comunidado Asociación Galega para a Defensa da Sanidade Pública sobre as Listas de Espera 

As listas de espera son unha Cuestión de Estado para a Conselleria de Sanidade xa que mostra a eficiencia do sistema e a corrupción (desvío  de pacientes á privada, dobre dedicación do persoal do sistema público etc.)/ etc.) e son a principal causa de malestar social co funcionamento do sistema. Tamén serven a argumento para desmantelar o sistema e incrementar os seguros privados que xa ten contratado máis do 26% da poboación

1.           Están falseadas , existe evidencia de que o 36% das persoas en espera están ocultas nas Listas Non Estruturais.

2.           O Tempo de espera cirúrxico creceu un 8,4% respecto ao ano 2023, con 71 dias de espera, un 16% máis que o que marca o Decreto de Garantes de Espera (a Xunta de Galicia incumpre as súas propias leis). O mais grave é que as persoas que esperan unha intervención cirúrxica mais dun ano creceron un 48,3%. As persoas maiores e enfermos crónicos sexan as máis afectadas (discriminadas) como demostra que as esperas mais elevadas sexan en traumatoloxía (artrose, prótese, etc), oftalmoloxía (cataratas), uroloxía (problemas de próstata) ou otorrino (xordeiras).

3.           O tempo de espera para consulta é de 71,6 días,  creceron un 12,1%, superando nun 37,1% a lexislación de garantías. Estas listas inclúen a 220.033 persoas que supoñen o 9% da poboación galega.

4.           Todos os tempos de espera de probas diagnósticas creceron (salvo en radioloxía), chamando a atención o aumento nun 60% as espera de Medicina Nuclear fundamental no control e tratamento do cancro.

5.           Se sumamos todas as esperas desde o momento en que unha persoa sente enferma e acode ao seu Centro de Saúde o tempo medio para ser intervido cirurxicamente o tempo real de espera é de 225 días (sete meses e medio), aínda que hai persoas que esperan mais de dous anos.

Ante tanto desastre o Conselleiro de Sanidade anuncio un Plan para facelas fronte, pero que é difícil de crer dado que para aplicalo farían falta máis recursos e o gasto sanitario dos orzado polo PP para o 2025 é practicamente o mesmo deste ano se descontamos a inflación prevista.

Seria absolutamente inaceptable utilizar este problema para incrementar as derivacións de pacientes aos Centros Privados. As Listas de espera son utilizadas para incrementar a concertación e o aseguramento privado (xa alcanza ao 16% da poboación galega a pesar de que tamén ten listas de espera e que envía a publícaa os casos graves e custosos de tratar).

As Listas de Espera necesitan: Mais recursos (incrementar o orzamento sanitario en lugar de recortalo), transparencia (coñecer todas as persoas ocultas nas Listas Non Estruturais), coñecer os criterios para xestionar as mesmas, incrementar a actividade dos hospitais (moitos servizos funcionan a medio gas), aprobar unha política de persoal que incentive a actividade do persoal e acabar coa corrupción da dedicación do persoal á pública e a privada.