O sábado cinco das nosas xogadoras desprazáronse ata Trazo para xogar o "II Torneo de Terras de Trazo". Amalgamadas xunto con Turonia GFG xogaron contra diversos equipos como Fillas de Brepgán F.G., Independente F.G. e Kilmacud Crokes GAA. Malia a ausencias de bos resultados, foi unha boa oportunidade para que as nosas seguisen rodando e aprendendo táctica de xogo.
7ª Xornada 2ª División Liga Galega de Fútbol Gaélico
Pola súa parte o equipo masculino enfrontaríase o domingo contra Keltoi Estibadores F.G. (Vigo). Así sería un encontro cunha primeira parte moi desputada e moi intensa, así remataría cun marcador de 16-8 a favor do nosos. Na segunda parte o partido seguiría a ser moi físico pero os xogadores locais conseguirían marcar a diferenza e ir distanciándose paseniñamente do seu rival. De tal xeito que concluiría o encontro cun resultado de Auriense Campus da Auga F.G. 43 vs 16 Keltoi Estibadores F.G.
