Obras sen licenza, modelo de negocio urbanístico cuestionable e un máis que posible conflito de intereses, preocupa a Podemos na Coruña
Podemos denuncia que o Concelleiro responsable de planificación urbana, Lage Tuñas faga obras sen licenza e que inclusive non faga caso á orde de paralización da mesma. Dende Podemos cren que esta actitude defire moito da honorabilidade que se lle presupón a un cargo público. Tamén indican que este tipo de actitudes retrotraen a nosa memoria aos peores anos da nosa democracia, onde os permisos de obra, os clientelismos, os sobres en B e saltarse os procedementos garantistas, foron os que levaron ao descrédito da política.
Ademais disto, sinalan que hai un transfondo de modelo de política urbanística coa que non están de acordo. Aitor Neira afirma “A propia alcaldesa entende que vivimos nunha cidade tensionada, no que existe un grave problema de vivenda, mentres o seu responsable de política urbana fai negocio con pisos turísticos” e continúa “a veciñanza de A Coruña ten cada vez máis difícil alugar, e mentres tanto hai quen se salta todos os procedementos para conseguir dous pisos turísticos”
A formación morada insiste en que irregularidades deste tipo non poden quedar sen asunción da responsabilidade e que para solucionar o gravísimo problema da vivenda non se pode seguir contando con especuladores na toma de decisións. Solicitan por tanto, a dimisión ou o cese de Lage Tuñas.