Información
A Coruña

Vacacións institucionales cos cartos públicos baixo o primeiro sinal do Camiño Inglés de Santiago que se pon en Gran Bretaña

Información
25 Marzo 2019 485 votos
1 1 1 1 1 1 1 1 1 1

A Deputación instala a primeira sinal oficial do Camiño Inglés en territorio británico

Os deputados provinciais Antonio Leira e José Manuel Pequeño colocaron este sábado o primeiro sinal do Camiño Inglés de Santiago que se pon en Gran Bretaña. A primeira hora mantivieron unha reunión coa máxima responsable de Turismo do Condado de Durham, Tracy Smith,  que se quedou sorprendida da calidade das iniciativas que está a traballar a Deputaciòn da Coruña na promoción de todos os concellos da provincia en especial a Ruta do Camiño Inglés e a prolongación a Fisterra/Muxía así coma na posta en valor doutros itinerarios.

Na abadía de Finchale, no nordés do país e considerado o quilómetro cero desa ruta xacobea, trescentas persoas foron testemuñas da instalación da primeira sinal coa frecha amarela no centro que marca o punto de partida do Camiño Inglés, a case que 2.500 quilómetros da praza do Obradoiro.

Leira animou aos presentes "a cumprir o sono de ir a Santiago" seguindo os pasos de milleiros dos seus antepasados. Pola súa banda, José Manuel Pequeño situou Fisterra en particular e a Costa da Morte en xeral como o remate lóxico de calquera peregrinación unha vez chegados a Compostela. No uso da palabra precedeunos Tracy Smith, deputada de Turismo do condado de Durham (onde se atopa Finchale), quen dixo que a promoción que a provincia da Coruña estaba facendo dos Camiños de Santiago era "un exemplo a seguir, e tanto estou convencida diso que irei a coñecelo en persoa".

Acto seguido os tres centenares de persoas peregrinaron pola ruta medieval ata a catedral de Durham, onde foron recibidas polo alcalde da cidade. As autoridades eclesiásticas guiáronlles logo polo templo, declarado patrimonio da humanidade.

Otros articulos relacionados.....