Información
A Coruña

Os consellos parroquiais, convidados ao primeiro gran xantar organizado pola Escola Municipal de Hostalaría

Información
14 Marzo 2019 380 votos
1 1 1 1 1 1 1 1 1 1
A Escola de Hostalaría, no Fórum Gastronómico

A Escola de Hostalaría, no Fórum Gastronómico

Despois de varios “ensaios” cos/as compañeiros/as dos cursos de formación que se imparten no Fórum Carballo, de numerosos almorzos, de masterclasses e mesmo de enfrontarse a unha gran sala chea de público no Fórum Gastronómico da Coruña, o alumnado da Escola Municipal de Hostalaría está preparado para ofrecer o seu primeiro gran xantar.

 

O evento está programado para o venres e terá como convidados aos consellos parroquiais. Debido a que o aforo do comedor é limitado, o convite limitouse a dúas persoas por consello. Xunto a elas sentaranse o alcalde, Evencio Ferrero, e un representante de cada grupo político municipal.

O menú será o seguinte: empanada de xouba, mexillón tigre, salpicón de peixe sapo e lagostinos, capuchino de bullabesa e escuma de apio bola e bao de costela asada como entrantes; carrilleira de tenreira estufada e patacas asadas, de prato principal, e coulant de chocolate, de sobremesa.

Pero ademais de degustar as elaboración do alumnado do curso de cociña que dirixe Fernando Agrasar, os/as asistentes tamén poderán ver en acción ao alumnado do curso de servizos de bar e cafetería, que será o encargado de servir as mesas.

Vídeos

Otros articulos relacionados.....