Información
A Coruña

Moeche asume a presidencia do Proxecto Xeoparque do Cabo Ortegal

Información
09 Mayo 2019 127 votos
1 1 1 1 1 1 1 1 1 1

O concello de Moeche asume a presidencia do Proxecto Xeoparque do Cabo Ortegal

 O Consello de Dirección do Proxecto Xeoparque do cabo Ortegal celebrou unha nova xuntanza na que, entre se aprobou o relevo na presidencia que pasa a desempeñar a alcaldesa de Moeche, Beatriz Bascoy. Ademais, na reunión confirmouse a celebración dunhas xornadas de difusión do proxecto os días 31 de maio e 1 e 2 de xuño e a creación dun Consello Asesor.

 

Un ano despois da constitución do Consello de Dirección do Proxecto Xeoparque do Cabo Ortegal prodúcese o primeiro dos relevos na presidencia rotatoria que pasa a ocupar a alcaldesa de Moeche, Beatriz Bascoy, despois de que o alcalde de Cerdido, Benigno Galego, desempeñase o posto no primeiro ano.

O cambio produciuse na xuntanza en que tomaron parte representantes dos concellos implicados no proxecto ademais de persoal técnico da Deputación da Coruña, xunto co responsábel da área de Turismo, Xosé Regueira, que impulsa o desenvolvemento do proceso para promover a candidatura do parque.

Entre outras iniciativas, na reunión concretouse a organización dunhas xornadas sobre xeoparques que terán lugar no propio territorio do Cabo Ortegal e que terían como obxectivo principal a implicación do tecido asociativo e a poboación local no desenvolvemento desta iniciativa. No programa, ademais de explicar a dimensión do proxecto, presentaranse exemplos da xestión doutros xeoparques como Courel ou o da Costa Vasca ademais de artellar mesas de traballo de interese para a elaboración das bases do futuro plan director e a estratexia do proxecto. Tamén contará coa visita de avaliadores internacionais para potenciar a imaxe e a solidez desta iniciativa. O programa incluiría unha visita guiada polo territorio do Cabo Ortegal ademais de expor as propostas de sinalización, por parte dos concellos, dos lugares de especial interese xeolóxico e turístico do territorio.

A proposta do deputado, Xosé Regueira, aprobouse a creación do Consello Asesor do Xeoparque do Cabo Ortegal, á maneira doutros modelos de xeoparque que están a ser impulsados pola Deputación da Coruña, e que será concretada unha vez analizados os resultados da xornada de traballo prevista. O proxecto de Xeoparque do Cabo Ortegal está constituído pola Deputación Provincial da Coruña e os concellos de Cariño, Cerdido, Cedeira, Moeche, Ortigueira, San Sadurniño e Valdoviño.

Otros articulos relacionados.....