Vigo non contará finalmente coa comprometida Unidade de Demencias do Chuvi que tería que estar funcionando en 2018, sumándose así á anulación da posta en marcha da unidade de sarcomas que se foi a Santiago a pesar de ter anunciado que Vigo sería a primeira unidade especializada de Galicia. Así o denunciou esta mañá o alcalde de Vigo quen criticou a xestión sanitaria da Xunta en Vigo lembrando que a última Ordenación de Servizos e Técnicas restou 300.000 habitantes da área de referencia de Vigo para asignalos a Santiago. Deste xeito, a área de Vigo pasou de 1,2 millóns a 894.000 habitantes; a Coruña permaneceu con 1,1 millóns e Santiago subiu ata os 755.000 habitantes. Este recorte territorial e poboacional en Vigo afectou a servizos fundamentais como cirurxía cardíaca e cardioloxía intervencionista. En contra das propias promesas da Xunta, en catro anos esta situación non só non se revertiu, senón que hai indicios de que se vai seguir desviando poboación.

Neste 2018, o Concello outorga 842 achegas -das que 92 son para a Escola de Idiomas- cun importe de máis de 1,8 millóns de euros.

O próximo luns 17 de setembro sairán cara Inglaterra os primeiros 38 alumnos que este ano gozarán dunha estadía en Inglaterra dentro do programa municipal Vigo en inglés. O martes 18 viaxarán 71 a Inglaterra e Irlanda; o xoves 20, 172; o venres, 158; o sábado, 90; o domingo 112 e, finalmente, o luns 24 sairán os últimos cen bolseiros.

O Concello de Vigo recibiu o proxecto o pasado 10 de setembro e xa foi remitido á Xunta de Galicia para o seu visto bo por parte de Patrimonio Histórico. O alcalde denunciou que a solicitude de licencia chega sen este aval previo, co que a concesión da autorización municipal non pode ser sequera considerada.

Abel Caballero recordou que o goberno vigués adquiriu unha parcela anexa á alameda Suárez Llanos e cedeuna de balde á Xunta de Galicia en 2008 para a construción dun centro de saúde para Bouzas. O rexedor asegurou este venres que o envío do proxecto ao Concello sen o visto bo de Patrimonio Histórico "non é un esquecemento casual" por parte da Xunta de Galicia. "Dez anos de atraso e o que envían non vale para nada", concluíu Caballero

A presentación, que estivo presidida polo alcalde e polo concelleiro de cultura, Cayetano Rodríguez, na Praza do Rei, comezou cunha divertida representación de Doutor Milagre. "Vigo liberouse de complexos e somos unha fábrica dexerar cultura", asegurou Caballero, que lembrou que o ano pasado houbo 40.000 asistentes e máis de 275 actividades nesta programación municipal.

O antigo hotel Samil se converterá nun novo establecemento categoría 4 Estrellas Superior en dous anos, segundo avanzou esta mañá o alcalde de Vigo, pouco antes da sinatura notarial de venda entre o Concello e Attica 21 Hoteles SLU. O concelleiro de Patrimonio, Javier Pardo, e Manuel Jove asinaron esta mañá un acordo que permitirá un investimento de máis de 20 millóns para construír un novo hotel que terá catro bloques cun máximo de catro alturas, 125 habitacións, piscina, spa, sala de conferencias e un centenar de prazas de aparcamento. Está previsto que a mediados de outubro se conceda a licenza de demolición polo que os traballos de construción poderían iniciarse a principios de 2019.

O alcalde anunciou que hoxe mércores arrancará a montaxe da iluminación de Nadal en Camelias, Pi i Margall, López Mora, Torrecedeira e Praza de Independencia, ata chegar ás 307 rúas que se van decorar este ano. En declaracións aos medios, explicou que, ademais do tradicional acto de acendido, o Concello programa para este Nadal un espectáculo audiovisual sobre a árbore da Porta do Sol, que este ano medirá 31 metros -un máis que o ano pasado-, cun espectáculo deseñado exclusivamente para Vigo que terá tres pases diarios.

O alcalde de Vigo achegouse esta mañá ao CEIP Carballal para participar na inauguración do curso escolar, que supón a volta ás aulas viguesas de 23.333 alumnos, dos que 16.351 comezan en Primaria e 6.982, en Infantil. Logo de dar a benvida aos estudantes, Caballero aproveitou a visita para inspeccionar as obras de cobertura do patio, practicamente rematadas, e nas que se investiron 285.000 euros. "Estamos encantados de facelo", anotou.
Información
Vigo

I Simposio Internacional sobre Pesca Marítima Recreativa

Información
12 Septiembre 2018 394 votos

No marco do Proxecto SICORE, que lidera a USC para analizar o impacto socioeconómico e ambiental da pesca marítima recreativa (PMR) en España, o profesor Sebastián Villasante e o investigador Pablo Pita, ambos os dous da Universidade compostelá, coordinan esta semana en Vigo o I Simposio Internacional sobre Pesca Marítima Recreativa (ISMAREF 2018).


Nas costas de España practican a pesca recreativa aproximadamente 300.000 afeccionados, que contribúen notablemente ao desenvolvemento da economía por medio dos investimentos que realizan na súa actividade. Ao tempo, a pesca marítima recreativa opera en España nun marco legal complexo e disperso, con múltiples administracións involucradas en diferentes aspectos da actividade e con solapamentos de usos no medio mariño con outros sectores.

Neste contexto, o encontro internacional que terá lugar os próximos días 14 e 15 de setembro no Museo do Mar de Galicia abordará a necesidade dun maior esforzo investigador para xestionar esta pesca dunha maneira máis eficiente e así diminuír os conflitos entre pescadores recreativos e comerciais, e outros usuarios.

Información
Vigo

O alcalde compromete ao equipo Uvigo Motorsport "todo o apoio que precisen"

Información
11 Septiembre 2018 558 votos

"É un proxecto excepcional e aí queremos estar", manifestou Abel Caballero este luns, durante a exhibición do monopraza UM18 en Rosalía de Castro. O rexedor puxo en valor que o vehículo disputou a Fórmula Student Netherlands e a Fórmula Student Spain, na que conseguiron completar todas as probas por primeira vez.

"Cooperamos de forma moi activa con este proxecto", expuxo Abel Caballero ante os medios, e avanzou que "seguiremos apoiándoos en todo aquelo que necesiten". "Teñen á súa disposición todo o apoio económico que precisen deste Concello", concluíu.

lineaazul 1600

O Polígono Industrial de Bértoa acolle o domingo 17 de febreiro,...

O Executivo Provincial achega preto de 6.000 euros para promover...

El Instituto Cervantes celebrará el próximo lunes, 18 de febrero...

Encontro feminista de alcaldesas, tenentes de Alcaldía, concelleiras,...